Alcaraz leh Medvedev kal zel

Ningania Indian Wells men’s singles semi-final lut zingah champion tura rinkai pahnih Carlos Alcaraz leh Daniil Medvedev an tel.
Spanish world number three Alcaraz hian Argentina player Francisco Cerundolo lakah 6-3 7-6 (7-4) hnehna changin, tun kha California tournament bika match 16 a chak zawnna a ni ta.
Indian Wells Tennis Garden, CA, USA-a mipa quarter-final match dangah Briton Jack Draper chuan big-serving American Ben Shelton lakah 6-4 7-5 hnehna changin, semi-final pakhat zawkah two-time defending champion Carlos Alcaraz a tum leh dawn a ni.
Britain innghahna lian Draper hian nikum September thla khan Grand Slam semi-final a luh vawikhatna ni turin US Open last four a lut a, kha kha Masters 1000 event bika last four a luh vawikhatna niin, kum 23 mi hian zanin final luh inchuh match pakhat zawkah four-time major champion Alcaraz a hneh leh thei a nih chuan ATP ranking thar tarchhuah leh hmasakberah a career-a a vawikhatna’n world top 10 huang a luah ve hial tawh dawn a ni.
Ningani BNP Paribas Open quarter-final inkhel dangah he tournament-a final vawihnih lo khel tawh Russian fifth seed Medvedev chuan France player la naupang tak Arthur Fils lakah 6-4, 2-6, 7-6(7) hnehna changin, Dutchman Tallon Griekspoor laka 5-7, 6-0, 6-3 hnehna sualchhuaktu Dane Holger Rune nen final luh an inchuh zui leh dawn a ni.