Icfai University All Mizoram Basketball U-23 Rising star an piang leh nual ang em?

Icfai University All Mizoram Basketball U-23
Rising star an piang leh nual ang em?
Mizoram Super League a zo ta – rawlthar leh tlangval tuai tir chet a hun thung e! Mizoram basketball referee inzawmkhawm pawl, Mriv te chuan Mizoram Basketball Association (MBBA) hriatpuina hnuaiah kum 23 hnuai lam tan veng inelna (LC/VC) a buatsaih dawn.
Under 23 a tel te hriat tur
Local council area pakhat atangin team hnih a chhuah theih a; VC huamchin bik tan joint vc angin an chhuak thei thung.
Inkhelhna hmun tur hi Hawla Indoor Stadium, Republic Vengthlang a ni. Kumin hian pakhatna in Rs. 35,000 tangkafai bakah trophy leh medal a keng tel ang. Entry fees hi Rs. 1,500 tur a ni bawk.
Under 23 lo chhuah dan
MBBA recognise tournament zulzuiin Mriv lamin chet lak an ngai. MBBA hi Basketball Federation of India (BFI) hnuai a awm an nih avangin BFI tournament neih dan zawm a tul a, Under 21 BFI tournament a awm loh avangin U-21 ni thin kha U-23 ah thlak a ni zui.
U-23 hmasa ber Mriv in a buatsaih zui tur hi May 5, thawhtanni 2025 hian Icfai University nena tangkawpin Icfai University All Mizoram Basketball U-23 chu neih a dawn.
Mriv leh an sulhnu
MBBA hnuaia referee te chuan MBBA calendar enin naupang pual tournament MBBA tana siamna hun a remchang lo thin tih hriain, an phurrit chhawk zangkhai nan leh sikul chawlha naupang humsual dai palh theih laka invenna atan naupang pual tournament siam ve ngei tul a ti a, MBBA hnuaia referee-te chu intwlkhawmin, tum thuhmun neihna kal zelin pawlah Mriv hi a phuarkhawm zui a ni.
Sulhnu chhinchhiahtlak tak tak hnutchhiah zuiin, kum 2018 ah Mriv tournament hmasa ber neih a ni – 3×3 inelna siamin, U-12, U-16 leh U-18 in bul tan a ni a, team hi a zavaia belh khawmin 96 zet a ni hial!
Under 21 – 5×5 a piang zui a, kum 2022 khan school naupang exam chawlh lai (10&12 exam) denchhenin tournament U 21 siam a ni bawk. Hemi tum hian team 59 telin kar 2 chhung neih a ni.
Inelna lian hi siam leh tumna Mriv lam hian nei chiah tawh lo mah se veng hrang hrang te beiseina leh nawrna avangin kum 2023 ah siam leh a ni a, team 61 an inlan.
Kum 2024 ah team 65 lai an inlan zui – kum tin kum bithliah inelna hian hma a sawn zel.