Ruihhlo ngai enkawlna hmun tlawhkual dawn

Ruihhlo ngai enkawlna
hmun tlawhkual dawn
Ruihhlo ngai enkawltuten rualkhai leh mumal zawka inenkawlna an kalpui theihnana dan awm tawh chu hman tuma ruahman a ni a. Hei hi hman a nih chuan ruihhlo ngai enkawlna hmun sawrkarin endikin accreditation a pe dawn.
Mizoram Drug Treatment cum Rehabilitation Centre Accreditation Meeting chu Social Welfare commissioner & secretary Lalzarmawii kaihhruaiin Zirtawpni khan an thukhawm a. Mizorama ruihhlo ngai enkawltuten rualkhai leh mumal zawka inenkawlna an kalpui theihnan department-in ‘Mizoram Drug Treatment cum Rehabilitation Centre Accreditation (Amendment) Rules 2020’ a buatsaih tawh a, he rules hi sawihoa hman theih nghal dan ngaihtuah a ni.
Accreditation hian Mizoram pum a huam dawn avangin district tinah ‘Accreditation Inspection Team’ a din tawh a, an ni hian an huamchhunga de-addiction centre tlawhkualin an dinhmun an zirchiang hmasa anga, chumi azir chuan accreditation ngaihtuah sak an ni dawn a ni.
Thutkhawmah hian a kaihhnawih sawrkar department hotute, kohhran hruaitute leh tlawmngai pawl hruaitute an tel a ni.