Hmalakna hlawhtling zo lo leh
chhunzawm loh awm thin a pawi
– Agiculture minister
Agriculture hmasawnna atana hmalakna chhunzawm loh leh hlawhtling zo lo awm thin chu pawi a tih thu Agiculture minister PC Vanlalruata chuan a sawi a. An zavaia inenfiah tlan a ngai tih a sawi.
Agriculture & Farmers’ Welfare department chuan kum kaltaa an department hmalakna leh kumina scheme hrang hranga hmachhawp awm thlirhoin Thawhtanni atang khan an thukhawm a, vawiin thleng a awh ang.
Agriculture & FW minister chuan thlai enkawltute tana sawrkarin hmalakna tam tak a neih tawh thinah a then fuhlo awm thin chu a fuh lohna lai siam that zel tum a ni tih a sawi.
Agriculture hmasawnna atana hmalakna hrang hrang chhunzawm loh leh hlawhtling zo lo awm thin chu pawi a tih thu sawiin, “Sawrkar hotute, department-a thawkte leh tanpuina dawng thin loneitute thlengin inenfiah tlan a ngai,” a ti
Agriculture officer-te chu an hna chanpual theuh tikhawtlai loin, a rang thei ang berin hma la nghal zel se a duh tih a sawi a. Tlangram loneitute nasa lehzuala ngaipawimawh a, hma an sawnna tur ruahmanna thar tha tak ngaihtuah chhuak thei se a duh tih a sawi bawk.
Agriculture secretary Ramdinliani pawhin department hmalakna chu kimchang taka documentation neih thin nise, a ti a. Department hmalakna chu mi hriat theiha phochhuak tam tur leh kuthnathawktute tana tangkai thei scheme hrang hranga hmalakna pawh nasa lehzual a thehdarh turin a chah. Line department dangte nen convergence kalpui turin a chah a. Thangtharten thlai enkawl an tuipui theihna turin a tiphur zawnga thlai enkawl dan ngaihtuah a tul tih a sawi bawk
District tina agriculture officer (DAO) ten report an pe a. Agriculture department hnuaia scheme 15 sawiho a ni.
Hmalakna hlawhtling zo lo leh chhunzawm loh awm thin a pawi – Agiculture minister
Get real time updates directly on you device, subscribe now.