Naupai theih lohna tura kan rin, pai palh theihna ni si!

Naupai theih lohna tur ni a kan rin angin theih tawpin kan fimkhur a, mahse, kan lo pai palh tlat si! Chutiang chu thil thei a ni ve tlat. Mi nawlpuiin bedroom nupa nun hmannaah nau pai theih lohna tur ni a ngaih tlanglawn tak tak kan nei a, mahse, heng hi a him chiah em tih Times of India health section-in a tarlan te kan rawn chhuah chhawng e.
1. Hmeichhiain thlatin hunbi a neih laia mipat hmeichhiatna hman hian naupai theih loh tur niin kan ngai thin. Mahse, mithiam ten zirchianna an neih atanga a lan danin, sperm hi uterus-ah ni nga chhung a dam thei. Hmeichhia a thlatin hunbi zawh dawn hnaih lama mipat hmeichhiatna hmanpui chuan, naupai palh theih a ni.
2. Mipain a chi hmeichhe chhul pawn lama a titlakin hmeichhia chu naupai lo turin kan ngai thin. Mahse, mipa chi a chhuah hma, pre-ejaculate-ah mipa chi a lo tel thei a, chu chu hmeichhe chhulah a lo kal tlang thei. Pre-ejaculte-ah hian mipa chi a tel tihna a nih lo va, mahse, a hmaa mipa chi lo chhuak tawh (previous ejaculation) atanga a urinary tract vela chambang a lo awm chuan chu chu a rawn chhuahpui thei a ni.
3. Condom hman pawhin vanduai palh theih a ni. Condom hmawr-ah space a awm that loh chuan condom chhunga mipa chi chu a lo putchhuak thei a, condom a keh/thler duh bawk.
4. Mi thenkhatin nuin nau hnute a pek lain chuan nau an pai thei lo niin an sawi thin. Nuin nau hnute a pek lai hian nau pai chu a har deuh ngei a, mahse, naupai thei lo erawh an ni lo. Kum zawna nau hring pawh an tam em ni.
5. Naupai tawh sa chuan a dang a pai belh thei lo niin kan ngai thin. Mahse, hetiang hi a thleng palh ve thei tlat, mahse, thil thleng zen zen erawh a ni lo. Hetiang hi superfestation an ti a, nuin nau a pai tawh hnuah invenna tel lo va nupa nun hmanin nau dang a pai belh leh thei a ni.
6. Mipa chi hmeichhe serh chhung ni lo, a pawnlamah a tlak pawhin hmeichhe tan naupai theihna chance a awm. Mipa chi kha hmeichhe serhah a lo luang lut palh thei tlat.