Ruihhlo dotuten hmalakna thlirlet

District Level Narco Coordination Centre (NCORD) Committee Champhai chu an chairman, bawrhsap Mohammad Aaquib kaihhruaiin Thawhtanni khan an thukhawm.
Thutkhawma tarlan danin, kumin February leh March chhung hian Champhai District Police chuan ND&PS Act 1985 hnuaiah case 15 an ziaklut a, mi 24 an man. Heroin kg. 1.367, methamphetamine kg. 38.886, crystal meth kg. 10.529 bakah ruihhlo phurhna atana hman lirthei ke li nei pathum leh ke hnih nei pathum an man.
Excise & Narcotics Department Champhai chuan March chhung hian ND&PS Act 1985 hnuaiah case 5 ziaklutin mi 2 an man a. Heroin gram 373.530 leh methamphetamin gram 7.900 an man. Assam Rifles-in March chhung hian ram dang atanga dan loa cigarette lakluh case 1003 leh methamphetamine kg. 7.907 an man bawk.
Line department hrang hrang atangin ruihhlo do kawng hmalakna leh hma chhawp an neih an sawi a ni.