Zirtirtu sawn tha leh
Mizoram sorkarin zirtirtu a sawnin sawn that leh a ngai thin a, siamthat a ngai thin. Tun hnaiah pawh rin lawk ang ngeiin an siamtha leh.
May ni 8 khan high school headmaster-te sawnna notification a chhuak a, siamthat a ngai dawn tih hriat sa a ni. May ni 15-ah a siamthatna notification a chhuak leh ta ngei a, a danglam leh nasa.
May ni 8-a notification ang chuan high school pakhat, Govt Suangpuilawn HIS chuan headmaster pahnih an nei dawn a, a awm sa sawn chhuah a ni lo chungin headmaster tur mi dang dah a ni. May ni 15-a chhuak notification-ah chuan he sikul-a headmaster lo ni sa chu Govt Hnahlan High School-ah dah a ni a, Suangpuilawn lamin headmaster pakhat an nei ve dawn ta a ni.
May ni 8-a mi hi tihdanglam a ni nasa a, a chhan hriat a ni lo. Govt Rengdil HS headmaster, May ni 8-a Rengdil-a an sawn kha May ni 15-a notification-ah chuan a tel leh lo a, a awmna ngai Rengdilah a awm leh ang. May ni 8-a Rengdila awm tura tih kha May ni 15-ah chuan Ratu-ah an dah ve leh thung a, Govt Ratu HS-a headmaster ni lai chu Bairabi-ah an dah.
Kum hmasa lam atangin zirtirtu sawn hi siamthat a ngai thin a, thil mak tak tak a lo awm tawh thin. Kumin May ni 8-a notification chhuaka mi ang bawk hian 2024 November ni 18-a notification chhuakah chuan Bunghmun High School-ah headmaster pahnih an lo awm tawh. November ni 21-ah siamthat a ni a, pakhat zawk chu Tlabungah dah a ni.
2024 November ni 18-a notification kha November ni 21-ah siamthat a ni a, ni 18-a Lungdaia dah chu ni 21-ah Darlungah dah niin, Darlunga lo awm sa chu Saitualah programme officer ni tura dah a ni. Ani hi Saichal High School headmaster hlawh la tura tih a ni.
Chumi hma pawh chuan zirtirtu sawnna notification hi siamthat a lo ni tawh a, 2024 June ni 13-a higher secondary school zirtirtu engemaw zat sawnna chu notification chu August ni 7-ah siamthat niin, August ni 7-a mi pawh chu August ni 14-ah siamthat leh a ni.
8 June ni 13, 2024-ah zirtirtu sawnna notification a chhuak
8 June ni 13-a mi hi August ni 7, 2024-ah siam\hat a ni
8 August ni 7-a mi chu August ni 14, 2024-ah siam\hat a ni leh
8 November ni 18, 2024-ah zirtirtu sawnna notification a chhuak
8 Novembe ni 18-a mi hi November ni 21, 2024-ah siam\aht a ni
8 May ni 8, 2026-a zirtirtu sawnna notification chu May ni 15, 2026-ah siam\hat a ni