c Tottenham leh England striker Harry Kane chu Ligeu 1 champion Paris St-Germain in an ngaihven thar ve leh a. PSG hian nipui bazar inhawn hunah Kane lak tumin thapui an thawh dawn. (Le Parisien – in French, subscription required)
-- Advertisement --
c Liverpool te chu Chelsea leh England midfielder Mason Mount la lut a, Mount contract tur pawmpui turin an inbuatsaih. (Football Insider)
c Jose Mourinho chu Paris St-Germain manager thar ni thei dinhmunah a ding a. Manager lar Mourinho hi PSG manager thar ni tura rinkai ber a ni mek. (RMC Sport – in French)
c Manager David Moyes chuan season tawp hunah West Ham a chhuahsan ngei hmel a. Hammers pawhin Moyes hmunruak luahtu tur an thlithlai ve tan. (Mail)
c Crystal Palace chuan an manager Roy Hodgson chu season tharah pawh an hnena cham chhunzawm turin an duh. (Telegraph – subscription required)
c Thla ruk liam ta maiah Aston Villa in an ban Steven Gerrard chu Greek side Olympiakos manager thar ni tura rinkai zingah a tel niin report a awm. (Express)
c Brighton leh Argentina midfielder Alexis Mac Allister lak tuma intlansiak zingah Manchester United leh Liverpool te an inel fal mek. Arsenal in Mac Allister lak tuma an dawrna erawh chuan hma a sawn lo viau thung. (Cesar Luis Merlo – on Twitter)
c United leh season tawp ruala contract hmang zo mai tur Spain goalkeeper David de Gea te chu contract thar chungchangah inremna an nei thei tep tawh. (ESPN)
c Southampton chuan Premier League atanga an tlahniam a nih chuan midfielder James Ward-Prowse chu club dang panin a chhuak thei dawn tih an hrilh. Kum 28 mi Ward-Prowse hi Tottenham, West Ham leh Newcastle ten an ngaihven hlawm. (Talksport)
c Leeds chuan Spain Under-19 international winger Ilias Akhomach lak an tum dawn. Kum 19 mi Akhomach hi a khelh mekna Barcelona nen contract thar chungchangah inremna an nei thei lo. (Sport – in Spanish)
c Barcelona dressing room ami te chuan Argentina leh Paris St-Germain forward Lionel Messi chuan nipui bazar inhawn hunah an hnena a kir leh an ring sawt hle. (Sport – in Spanish)
c Manchester United scout te chuan Birmingham City academy winger leh England Under-16 international Trevan Sanusi an thlithlai uluk hle. (Football Insider)
c Ivory Coast centre-back Eric Bailly chu loan-a a khelh mekna Marsille in a ngheta lak tuma an nei lova, kum 29 mi hi Manchester United-ah a kir leh a ngai dawn. (Fabrizio Romano)