Mizoram Legislative Assembly Secretariat-a thawktu thar lak chungchangah, chhungkhat laina induhsakna a awm nia an hriat avangin MZP leh MSU chuan hna lak cancel tura phutin lungawilohna an lantir a; an thil phut a hlawhtlin hma chuan hmalak chhunzawm zel an tum tih an sawi a. Zirlai pawlten thil phut neia lungawilohna an lantir hnuah hian kar kalta Inrinni khan ‘Cancellation of appointments’ lehkha tihchhuah a ni a. Hei vang hian zirlai pawlte pawhin hmalak chhunzawm an tumna pawh an thulh a.
Hetih lai hian, ‘cancellation of appointments’ tihchhuahna lehkha issue dan chu a mawlmang teh tawp ema hriatna avangin website-a tarchhuah tawh chu lak thlak leh niin, siam that leh a ni a. Hemi chungchangah hian, cancel-na lehkha siam that leh a nih chungchang hre zui tawh lote chuan ‘a va saisa teh nuaih ve’ tih ngaihdan an neih zui phah nghe nghe a ni.
Hna lakna tur advertisement tihchhuah atangin he thil hi a bilha tho lo, tih ang deuh kha niin a lang. January ni 25&26, 2023-ah chanchinbu pahnihah hnaruak chungchang hi tihchhuah a ni a. A hnuah, February ni 22, 2023-ah tihdikna (corrigendum) tihchhuah a ni leh a. Hnaruak diltu an tam hle laiin, exam tluan thei lo chu 80% vel an ni a, hei hi zawhna set dan a danglam deuh vang nia sawi thawm a awm nghe nghe.
Eng pawh ni se, he hna lakna tur buatsaihna kawng hi a titoh deuh em ni chu aw, a tih theih a. Tuna zirlai pawl ten hna lak cancel an phutna chhan pawh hi chhui chian ngai deuh chu niin a lang a. Sawrkar hna lakna turah heti tak maia chinpawr tur a awm hi, tun hnua thleng leh tawh lo tura a mawhphurtute an fimkhur sauh a pawimawh hle a ni.
A bilha tho lo…?
Get real time updates directly on you device, subscribe now.
Prev Post
Next Post