A thawh thumna atan Mizoramah African Swine Fe
ver (ASF) a leng leh a, mahse a na lutuk rih lo; a hma angin a darh chak lo.
AH&Vety department-in an chhinchhiah danin, June ni 6 thleng khan ASF vangin vawk 85 a thi tawh a,vawk 179 tihhlum/suat (cull) a ni tawh bawk.
ASF finfiahna, vawk 85 thihna hi Champhai district khua vek a ni a, district dangah finfiah a la ni lo, enfiah mek chu a awm.
AH&Vety department hotute chuan ASF hi kum hmasa lam angin a na vak rih lo a, a darh chak rih lo tih an sawi a, a nat loh zel an beisei tih an sawi bawk.
2021-ah khan a vawi khat nan Mizoramah ASF hi a leng a, 2022 February-ah a tawp. February thla chawhnu lamah a thawh hnihna a leng leh a, December ni 22 thlengin vawk a thi tih chu department-in an chhinchhiah dan a ni. Kuminah a thawh thumna a leng leh a, kuminah an finfiah hmasak ber chu May ni 6-a mi a ni.
Vanneihthlak takin thla khat vel chhungin a darh nasa rih lo a, AH&Vety department lam chuan a hmain Mizoramah he hri hi a lo leng tawh a, na lo telh telh turah ngaih a ni an ti. He hri hian Mizoram a chenchilh tawh avangin, hetiang rawn lang leh turah hian ngaih a ni an ti bawk.
Kuminah hian an finfiah chinah Ngur khua chu a hmaa ASF thlen lohna a ni a, anni hi a tuar nasa ber pawh an ni mek; department-in an chhinchhiah danin Ngur-ah hian vawk 69 a thi tawh a, vawak 80 tihhlum a ni tawh.
A thawh thumnaah ASF na lutuk rih lo
Get real time updates directly on you device, subscribe now.