AAP chhuahsan MLA pariatin BJP zawm
Delhi assembly inthlan vote thlak nan ni nga chiah a awm tawh tih, Zirtawpnia rorel lai, Aam Aadmi Party (AAP) chhuahsantu an MLA pariatte chuan Inrinni khan BJP an zawm zui.
Inthlan hi Nilainia neih mai tawh tur an ni a, MLA pariatte hian AAP chhuahsanin an bânsan chhanah hian ei rukna a tam lutuk an duh loh thu an sawi a, Arvind Kejriwal-a kaihhruai party hian an din chhan leh an thuthlung an kalsan nasa tawh niin an sawi.
MLA bâng tate hi an zavaiin tun inthlan lo awm tura AAP-in ding nawn tura an tih loh vekte an ni.
BJP zawmtute hi Vandana Gaur (Palam), Rohit Mehraulia (Trilokpuri), Girish Soni (Madipur), Madan Lal (Kasturba Nagar), Rajesh Rishi (Uttam Nagar), B S Joon (Bijwasan), Naresh Yadav (Mehrauli) leh Pawan Sharma (Adarsh Nagar) te an ni.
AAP atanga an bân rual hian assembly speaker hnenah pawh lehkha thehlut nghalin MLA an nihna pawh hlihsak turin an ti.
MLA rualin BJP an zawmnaah hian AAP MLA hlui dang, Vijender Garg leh Kejriwal-a kaihhruai party-a an hruaitu dang tam tak chu national vice-president leh Delhi BJP in-charge Baijayant Panda leh state president Virendra Sachdeva ten saffron party-ah an lawm lut nghal.
MLA leh hruaitu zawm tharte lawmin Panda chuan ni chhinchhiah tlak a nih thu a sawi a, chhiatna (AAPda) atangin an chhuak ta tih a sawi a, February 5-a an inthlan atangin Delhi chu a zalen tawh dawn niin a saiw bawk.
Member 70 awmna Delhi assembly inthlana vote tlate hi Inrinniah hian chhiar a ni ang.
AAP chhuahsan MLA pariatin BJP zawm
Get real time updates directly on you device, subscribe now.
Next Post