‘Chhe tak’ huanga Delhi boruak a let leh

‘Chhe tak’ huanga Delhi boruak a let leh
Delhi-a boruak him lam chu ‘chhe tak’ huangah a awm leh ta a, Air Quality Index (AQI) chu Pathianni khan 341 niin Central Pollution Control Board (CPCB) chuan a tar lang.
Khawpui chhunga hmun hrang hrangah boruak chhiat dan inang vek lo mah se tehnaah hian ‘chhia’ huang vek a ni hlawm.
AQI level a san leh chhan hi chhan hrang hrang vang a ni a. Thli muang lutuk te, boruak inlumletin bawlhhlawh a chhem kian chak loh veng te, chhum leivak tam lutuk te chu a chhan langsar a ni.
Delhi-ah hian Pathianni khan chhum leivak a tam hle a, Indian Meteorological Department (IMD) pawhin a hma niin yellow alert a tichhuak a. Chhum hi tam hle mah se khaw vawh dan erawh a ziaawm viau a, a lum ber laiin 24°C niin a vawh laiin 9°C a ni ve thung.
IMD hian thlasik nat dan hi a pangngai viau tih an sawi a, a lum ber laiin 22-26°C leh a vawh ber laiin 10-12°C vel a ni reng niin an sawi.
Hetih lai hian zingah leh zanah erawh a vawt hle zel a, chhum lamah a ziaawm hret a, a chang chuan 25°C tlin phak lai pawh a awm thin.
Boruak a bawlhhlawh leh avang hian Commission for Air Quality Management (CAQM) chuan Graded Response Action Plan (GRAP) hnuaiah inkhuahkhirhna Stage III chu January 29 atang khan kalpui leh tan a ni a. Hemi hnuaiah hian in sakna chi thunun te, lirthei khu tichhuak nasa leh boruak tibawlhhlawh zual thei chi dang khuahkhirh a ni thin.
Delhi-a chengte hian boruak chhe tak leh khaw vawh lam inthlak thut thut an tawn reng avang hian mipuite pawh inring turin an ti a. Pawn lam awm tam lo tur te, hmai tuam tur te, air purifier hmang nasa tur tein an inchah.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More