Adele leh Celine Dion reunion-ah Adele hnuk a ulh

Adele leh Celine Dion reunion-ah Adele nuk a ulh
Adele Las Vegas residency-ah Celine Dion chu Adele performance thlir turin a tel ve a, a beisei loh taka Celine Dion a hmu thut chu Adele a insum thei a, a hnuk a ulh a, a mittui a dang zo lo.
Adele hian ‘When We Were Young’ hla a sa chungin Colosseum, Caesars Palace-a Celine thutna lam a pan a, an inkuah a, Adele mittui a luang, mipui lam thawm a tha. An pahnih hian inngaina tih hriat takin an inkuah a, Celine hian Adele kut zungtang a fawh sak zauh bawk.
Adele a insum zo lo a, a lekha nem (tissue)-in a mittui a hru zauh zauh a, hnukulh teuh chunga perform chhunzawm turin stage lamah a let leh ta a ni. A hnuah Adele chuan, “Celine Dion i lo lawm ang u,” tiin, “Ka mi ngainat ber te zing ami a ni reng,” a ti bawk.
Celine Dion, kum 56, hi taksa lam hrisel lohna avangin mipui hmaah a inlan khat ta khawp mai a, 2003 leh 2019 inkar khan Las Vegas residency te pawh a lo ti ve zak zak tawh a, mahse, chumi hnua a tawmim ta deuh a, 2022 khan stiff-person syndrome a neih thu a puang ta a ni.
Celine hi kumin Olympic Opening Ceremony-ah khan Eiffel Tower-ah a perform a, kha kha 2020 hnua a stage performance hmuh tur awm leh hmasa ber a ni. Celine leh Adele te i an inngaina riau a, Celine Dion Las Vegas residency-ah pawh Adele hian a lo ‘surprise’ ve tawh bawk a ni.