Adhoc-a dah turin CM ngen

Thingsulthliah Higher Secondary School Students’ Union chuan chief minister hnenah adhoc-a hlankai an nih theih nan theihtawp chhuahsak turin an ngen.
Adhoc grant -in- aid a hlangkai tura ngiat Thingsulthliah HSS Students’ Union hian Nilainia Thingsul atanga Aizawl thleng kea kalin, hemi tlai hian Aizawl an lut a, Ningani zing khan chief minister Zoramthanga hi a pisa-ah hmu in, lehkha an thehlut. “Thingsulthliah HSS SU chuan i hoa Council of Ministers-in thut hunah kan school hi adhoc grant -in- aid a hlankai a nih theih nan theihtawp min chhuahsak turin kan ngen che,” an ti.
Sawrkar enkawl school-ten admission fee leh monthly fee an chawi loh lai a, an nu leh pa harsa, nitin inhlawh chawp thin ten an chawi reng ngai bik chu an chhungkaw dinhmun nen a inrem lo an tih thu te; hun rei tak khawtlang nu leh paten zirna kawnga thahnem an ngaih vanga phurrit an lo inrochun tawh chu sawrkarin adhoc hmanga hlih kiansak an beisei thu te; an zirtirtute pawhin an vanglai hun tha zawng zawng an school tan an hmang tawh a, an lainat thu te sawiin, ‘Sawrkar hian kan nu leh pa, khawtlang mipui kianga 2018 MLA inthlan dawna a lo tiam tawh avang khan, adhoc grant -in- aid tura theihtawp min chhuahpui chuan kan hlawhtlin ngei kan beisei,’ an ti.
Chief minister hian sawrkar sum dinhmun a lo hrilhfiah a ni.