Afghanistan-a khualzin hmun beihnaah mi 11 thi

Afghanistan-a khualzin hmun beihnaah mi 11 thi
Afghanistan khawthlang lama khualzinte tlawh nasathmuna silai kengten civil mite an beihnaah mi 11 an thi nia hriat a ni.
Province thuneitute chuan Herat province-a Enjil district-a Zirtawpnia pawikhawihna thlengah a tirah chuan mi pali thi niin an sawi a; mahse, a hnuah hliam na tak tak tuar mi pasarih an thih belh thi an sawi leh.
He thil thlengah hi eng pawl mahin an tihah an la chhal lo.
Interior ministry thupuangtu chuan, ‘tute nge an nih hriat loh ralthuam keng,’ motorcycle-a chuangten Deh Mehri khaw bulah silai an hmet puak niin a sawi a. Recreation centre awmna niin he hmunah hian Friday-ah mi an pungkhawm tam zual tlangpui thin.
Herat doctor pakhat chuan BBC hnenah thite hi Shia Muslim an ni a, tual chhunga hmun thianghlim pakhatah intihlim turin an kal tih a sawi a. Afghanistan-ah hian Shia Muslim-te hi a tlem zawk niin beih an lo tawk fo tawh thin.
Herat province-a Taliban sorkar information & culture hotu, Ahmadullah Muttaqi-a chuan he thil hi chawhnu dar 03:00 (India-a tlai dar 05:00 BST) vela thleng niin a sawi.
“Firfiaka chetna a ni a, ralthuam kengte hian Enjil district-a Deh Mehri khuaa intithawveng tura kalte hi an kap a ni,” tiin BBC a hrilh.
Muttaqi-a chuan ruang pali bakah hmeichhe pahnih telin hliam tuar 15 chu Herat regional hospital-ah lak an nih thu a sawi bawk.
A titu nia hriat mi pakhat chu venhim hna thawktuten an man tawh tih a sawi bawk.
Pawikhawihna thlenna khua hi Shiite tamna a ni a, Shiite Muslim hmun thianghlim pakhat a awm a, ni tin mi tam takin tawngtai turin an tlawh thin niin interior ministry thupuangtu, Abdul Mateen Qani-a chuan a sawi.