AI vangin hnathar pun ring

Artificial Intelligence (AI) chuan full-time hna 300 million vel a thlak thei dawn tiin investment bank Goldman Sachs te chuan an sawi.
US leh Europe a hna quarter khat vel chu a thlak hlawk thei dawn a, mahse chu chuan hnathar leh productivity a tipung hluai thei an ti thung a.
AI vangin khawvel puma goods and services pekchhuah chu 7% vel lawihin a san phah thei an ti bawk a. Generative AI, mihring hnathawh nena danglamna awm mang lo chuan hmasawnna nasa tak a thlen thei dawn an ti bawk.
Sorkar hrang hrang te chuan investment tihsan a nih theih nan AI an thlurbing nasa ta hle bawk a, economy a productivity nasa zawka siam thei aan ngaih niin mipui nawlpui te hnenah pawh AI chuan nghawng tha zawk a nei dawn an ti bawk.
“AI hian kan hnathawhah harsatn min siam dawn lo va, min pui zawk dawn a, kan hna a tiawlsam ang a, min chhuhsak dawn lo” tiin UK Technology Secretary Donelan chuan a sawi.
AI chuan sector hrang hrangah a bik takin administrative lamah hna atanga 46% vel leh legal profession lamah 44% vel la in mahse construction leh maintenance lamah chuan 6% leh 4% vel a thawh theih an ring chauh thung.
“Generative AI avanga hna chan zat tur a hriat theih tlat loh thung” tiin Carl Benedikt Frey, future of-work director, Oxford Martin School, Oxford University chuan a sawi a.
“Tunah pawh ChatGPT in a tih mek chu mi pangngai te writing skills nei tha lem lo te chu essay leh article tha taka ziak theiah a siam a ni” a ti a.
“Journalists ten competition nasa zawk an tawng dawn a, chu chuan an hlawh a nghawng dawn a ni” tiin a sawi.
“GPS technology avang leh Uber te ang avangin thawklehkhatah London kawtthler kual kawi dan chitin hriat chuan hlutna a nei chau thut a, hei vang hian driver lo ni rei tawh sa te hlawh a kiam nghal duak duak a ni” tiin a sawi bawk a.
“Chu miin a hrin chu hlawh tlem zawk niin driver an tlemphah tihna erawh a ni lo. Hetiang chiah hian generative AI hian creative tasks lamah nghawng a la nei zui zel dawn” tiin a sawi bawk.
Report siamin research behchhan a neihah tuna hna awm mek 60% vel zet chu kum 1940 hmalama la awm ngai lo an ti a. Research dangah pawh kum 1980 hnua technology lama hmasawnna nasa tak awm chuan hna tautet siam aiin hnathawk a ban hnem zawk tiin tarlan a ni bawk.
Generative AI pawh tun hmaa information-technolgy hmasawnna lam ang bawkin hna a tihtlem phah ngei dawn an ti bawk a. Mahse, hun reia AI in nghawng a neih dan tur erawh sawi lawk theih a ni lo, tiin chief executive of the Resolution Foundation think tank Torsten Bell chuan a sawi.
“Technology engtiangin nge a inlailan zel dawn emaw firm tin ten an hnathawh dan nen engtiangin nge an siam rem ang tih kan hre maithei lo” a ti zui a.
“AI hian kan hnathawh a nghawng chhe dawn lo tia sawi theih a ni lo va, kan tihtheih chu productivity work sang zawk leh services tlawm zawka kalpui dan zawn te bakah firm dang te leh economy dang tena technological change an neiha hnufum bik lova awm te a ni” tiin a sawi bawk.