Aizawl-ah Maruti Suzuki Fronx tlangzarh

Aizawl-ah Maruti Suzuki Fronx tlangzarh
Nimin khan Maruti Suzuki kutchhuak, compact SUV Fronx chu Aizawl-a Nexa Showroom-ah tlangzarh a ni a, a model a zirin a man hi showroom-ah Rs 7,46,000 atanga Rs 13,13,000 thlengin a awm.
Fronx hi a design-ah Grand Vitara leh Baleno zûl deuh a ni a, a hmaah hexagonal grille lian tha tak neiin, chrome bar a tihhran a ni a, LED headlamp nalh zek zawk tak mai leh DRLs neiin, a hmalam bumper-ah faux skid plate a nei bawk. 16-inch precision-cut dual-tone alloy wheels neiin, coupe ang deuhin a chung a hnunglamah a kum pial deuh bawk. A hnungah LED block tail-lamp leh LED strip a vang tanin a nei bawk.
A chhunglamah Maruti Suzuki Fronx hian 9.0-inch HD Smart Play Pro+ infotainment system neiin, Apple CarPlay leh Android Auto a support a, ARKAMYS sound system a thuam niin, Suzuki Connect a support a, hetah hian 40+ connected feature a nei a, flat-bottom steering wheel leh HUD neiin, 360-degree camera leh cruise control te pawh a nei.
A mechanical-ah chuan 1.0L K-Series turbo Boosterjet petrol engine neiin, Progressive Smart Hybrid technology a nei a, 99 bhp leh 147 Nm torque pechhuak thei a ni. Hei bakah hian 1.2L K-Series Dual Jet, Dual VVT engine, Idle start/ stop technology nei, 89 bhp leh 113 Nm torque pechhuak thei a awm bawk. A transmission-ah chuan five-speed manual transmission, five-speed AGS (auto gear shift) transmissio leh six-speed AMT-ah te duhthlan tur a awm.
Maruti Suzuki Fronx hi Suzuki HEARTECT platform a din niin, safety feature hrang hrang a neih zingah airbag paruk (driver, co-driver, side & curtain), three-point ELR seatbelts, ESP (Hill Hold Assist leh rollover mitigation telin), ABS leh EBD leh ISOFIX child seat anchorage te pawh a tel.