Aizawl Bazarpui hmuna building thar, Aizawl City Centre Annexe sak mek chu hna zaa 50 zawh tawh a ni a, hemi lo building dang pawh sak tuma inruahman mek a ni tih Commerce minister Dr R. Lalthangliana chuan a sawi.
Aizawl New Market – Foreign Lane chu a building a hlui tawh avangin hemi hmuna inzuarte nen an sawi ho hnu ah, sumdawngte hian chhuahsanin sak that tuma hma lak a ni tih minister hian a sawi a. Sum ruahman hi NEDP atangin cheng nuai 3641.59 niin, kum 2018 ah a sa turin Lushai Engineer thlan a ni a, a sak dan tura thuthlung ziah angin, inremna siam fel atanga thla khat chhunga hna tan a, kum thum chhunga sak zawh tur a ni.
Hetihlai hian AMC-a sak phalna dil, a lei ngheh dan enchhin (geotechnical investigation) chhung nen thla tel a ral hman a, hunpui laiin a nan zui avangin helai hmuna inzuar thinten hrethiam tura ngenin inpho nan an hmang leh a, Covid hrilengin zui lehin tan mai theih a ni loa, leivung paihna hla leh a hmunhma hulum lutuk te, thawktu hnamdangte haw thin te chuan harsatna neuh neuh a siam chho tam hle tih a sawi a ni.
Smart City project hnuaiah a bul maiah hian Aizawl City Centre sak tum a ni tih Dr R Lalthangliana hian a sawi bawk a. Hei hi UD&PA department enkawl niin, cheng nuai 4200 ruahman a ni a, an uluk hle a, tunlaia India khawpui lian bika Bazarpui ang ban pha ve deuh tura hma lak niin, heng City Centre ah hian sumdawng 1100 chuang khungleng tura inruahman a ni tih a sawi.
Aizawl City Centre zaa 50 zo tawh
Get real time updates directly on you device, subscribe now.
Prev Post