Aizawl district-ah bial 12 polling station 321 a awm

Aizawl district-ah bial 12 polling station 321 a awm
MLA inthlanpuiah Aizawl district bikah Assembly bial 12 a awm a, vote nei 286807 aawmin polling station 321 a awm.
Bial 12 awmah hian pan harsa zual bik a awm loh avangin polling party duty turte hi November 6 khan an chhuak a. Tuivawl bialah polling station 29, Aizawl North-I ah 29, Aizawl North-II 26, Aizawl North-II 20, Aizawl East-I 30, Aizawl East-II 19, Aizawl West-I 33, Aizawl West-II 26, Aizawl West-III 27, Aizawl South-I 22, Aizawl South-II 31 leh Aizawl South II 29 a awm a ni.
Postal ballot hmangin mi 3000 chuangin vote an thlak a. Hengte hi polling duty turte bakah kum 80 chunglam, vote thlak tura polling station pan harsat tawhte leh Persons with Disabilities (PwDs) te tana mahni inlum atanga vote thlakna – home voting facility kaltlanga vote thlakte an ni.
Election Commission of India phut angin model polling station leh unique polling station siam a ni a. Aizawlah chuan polling station 4 – Aizawl North-I biala Bawngkawn-V P/S (Govt. J. Thankima College), Aizawl East-II biala Chhinga Veng-III P/S (KVM High School), Aizawl West-I biala Chawnpui-I P/S (Govt. M/S) leh Aizawl South-II biala Mualpui P/S (Govt. Aizawl College) chu model polling station-a ruat an ni a. Aizawl South-II biala Mission Veng II leh III P/S (Govt. Boys P/S leh Govt. Boys M/S) chu unique polling station-a cheibawl a ni.