Aizawl district magistrate Nazuk Kumar chuan vawk hrileng avanga vawk vulhtute leh vawksa zuarte an fimkhurna turin thupek a tichhuak.
Hri hlauhawm African Swine Fever (ASF) chuan min la kiansan thei loa. He hri laka Aizawl district mipui kan him a, kan fimkhur zelna atan vawk chungchangah inkhuahkhirhna thupek chhuah a tul tih a sawi a. Aizawl district-ah ram dang (foreign) atanga vawk, vawksa leh vawksa atanga siam eitur chi reng reng lakluh khap a ni. State dang leh district dang atangin vawk, vawksa leh vawksa atanga siam eitur lakluh khap a ni bawk.
Vawk damlo talh leh hralh khap a ni a. Vawk damlo chu dah hrang thuai turin a ti. Vawk thi reng reng thuk taka phum bo tur a ni a. Vawk damlo leh thi an awmin AH & Vety pfficial-te hnena hriattir thuai turin a ti.
Aizawl district chhung khua leh khua emaw, veng leh veng emawa vawk inlakpawh tawn tur reng rengin vawk hrisel tha ngei a ni tih hriatpuina AH & Vety department hnena la turin a ti a. AH & Vety director atanga phalna neite tan ASF hri len lohna state atangin vawksa atanga thil siam (frozen pork) lakluh phal a ni a, Standard Operating Procedure erawh zawm ngei turin a ti. APEDA emaw ESSAL in a pawmpui firm an ni tur a ni tih a sawi bawk.
He thupek hian thu leh awm hma chu puan a nih atanga thla hnih chhung a huam dawn a. Thupek zawm lo chu IPC Section 188 hmanga hrem theih an ni tih a sawi.
Aizawl district-ah ram dang atanga vawk leh a sa lak khap
Get real time updates directly on you device, subscribe now.
Prev Post