Directorate of Economics & Statistics chuan Nilaini khan National Statistics Day vawi 17-na an hmang a. Planning & Programme Implementation secretary Lalmalsawma Pachuau chuan a hmanpui.
Ramin hmasawnna tha leh dik a neih theihna’n ‘statistic data’ felfai tak a ngai a, Mizoramin data rintlak a neih theihna tura thahnemngai taka thawk thin Economics & Statistics department a chhuanawm, tiin Planning secretary hian a sawi. ‘Statistical Handbook’ an tihchhuah thin chu a tangkai hle, tiin, data fel tak a nih avangin ram hmasawnna tura ke pennaah nasa takin a tanpui tih a sawi. Naupiang leh mitthi chungchangah nitin data khawn theih a ni chu state dang tam takin an tih theih loh a ni tih a sawi a ni.
Economics & Statistics assistant director B Sanga chuan Statistics Day lo chhuah dan a sawi a. National Statistics Day chu ‘Father of Indian Statistics’ Prof. PC Mahalanobis pian champhaa hman thin a nih thu sawin, a chanchin tawi a sawi a ni.
Ministry of Statistics & Programme Implementation-in thupui a thlan “Alignment of State Indicator Framework with National Indicator Framework for Monitoring SDGs” hmangin seminar neih a ni a. Planning under secretary cum economist Isak Lalmuanpuia Chuaungo leh SDGs Coordination Centre consultant Zopuii Khiangte ten thupui thlan hmang hian zirtirna peiin sawiho a ni.
National Statistics Day hi kumtin June 29-a hman thin a ni a, kuminah sawrkar chawlh a nih avaning June 28-ah hman a ni.
Aizawlah Statistics Day hmang
Get real time updates directly on you device, subscribe now.
Prev Post
Next Post