Al-Ittihad in Fabinho an dawr

Saudi Pro-League team in player langsar lak tumin tan an khawh chhunzawm zel a. Al-Ittihad chuan Liverpool midfielder Fabinho chu £40m senga lak tumin Liverpool an dawr.
Al-Ittihad hian Fabinho lei dilna hi zir-tawp zan khan Liverpool hnenah an thehlut a, indawrna an kalpui chhunzawm theih nan Fabinho hian Liverpool training camp a chhuah-san zui nghal. Al-Ittihad hian an ngam huai em vangin Fabinho hi an lak theih mai a rinawm.
Brazil midfielder Fa-binho hian kum 2018 khan Monaco atangin EPL club lian Liverpool a zawm a. Reds hian Fabinho manah £39m vel bawr ang seng. Reds tan hian inelna hrang hrangah vawi 219 khelin, goal 11 a thun tawh a, Premier League, Champions League, FA Cup, Lea-gue Cup leh Fifa Club World Cup-ahte a champion pui tawh.
Liverpool hian an midfielder pathum; Ja-mes Milner, Naby Keita leh Alex Oxlade-Chamberlain te an chhuahtir tawh a. An captain Jordan Henderson chu Gerrard-a club thar Al-Ettifaq in lak tumin an dawr mek bawk a. Midfielder pahnih chan belh leh thei dinhmunah an ding mek. An mid-fielder panga ngawt chan thei dinhmuna an din lai hian Argentina international Alexis Mac Allister chu Brighton atangin an la lut tawh a. RB Leipzig atangin Hungary captain Dominik Szoboszlai an la lak luh tawh bakah , 22, from RB Leipzig Sou-thampton midfielder Romeo Lavia lak tumin an hel mek bawk. Season tharah tha zawka inlan turin an inthuam chak thar ve zel a. Top 4 huang luah phak ngei tumin tan an khawh ang.