Football titi

c Fulham chuan Barcelona, Atletico Madrid, Arsenal leh Liverpool te hma khalhin Fluminense leh Brazil midfielder Andre Trindade lak theih an inbeisei. (90min)

c Nottingham Forest chuan PSV Eindhoven atanga Ivory Coast midfielder Ibrahim Sangare lak tumin an dawr a. Kum 25 mi manah hian £30m sen an ngai dawn. (Football Insider)

c Liverpool leh Republic of Ireland goalkeeper Caoimhin Kelleher chu Wolves in lak an tum tih hai lan a ni. Nottingham Forrest in Portuguese keeper Jose Sa an ngaihven vangin Wolves hian si nghak thar an melh a ngaih phah. (Mail)

c Leeds leh Denmark defender Rasmus Kristensen chuan loan in Roma a zawm dawn. (Sky Sports)

c West Ham chuan England centre-back Harry Maguire chu Manchester United atangin hawh an duh. (Telegraph – subscription required)

c Barcelona in Portugal midfielder Bernardo Silva lak tumin an hel mek a. Silva hi an la thei dawn a nih chuan a manah Netherlands midfielder Frenkie de Jong chu Manchester City hnenah pek tel an tum dawn. (Mirror Online)

c Bayern Munich executive Uli Hoeness chuan nipui bazar inhawn chhungin Tottenham Hotspur leh England striker Harry Kane an lak ngei a ring. (Kicker – in German)

c Tottenham hian Juventus atangin Serbia striker Dusan Vlahovic lak an tum tih hailan a ni a, chutia nih chuan Kane hma lam hun a chiang lo leh zual tihna a ni ang. (Rudy Galetti)

c Newcastle United chuan £82m tawktarhin kum 22 mi Napoli leh Georgia winger Khvicha Kvaratskhelia an dawr niin tarlan a ni. (Corriere dello Sport, via Express Online)

c Wolves chuan £20m tawktarhin Bristol City midfielder Alex Scott lei dilna thehluh an tum. (Telegraph – subscription required)

c Club pahnih ten inremna la nei thei lo mah se Liverpool captain Jordan Henderson leh Al-Ettifaq te chuan mimal inremna an nei fel thei tawh. (Fabrizio Romano)

c Pierre-Emerick Aubameyang chu Chelsea atanga Marseille pan turin a inpeih a. Gabon striker hian Marseille a zawm fel thei a nih chuan Chelsea-a a hlawh zat a hlawh phak tawh dawn lo thung. (Goal France – in French)

c Free transfer-a lak theih tur Central defender Jonny Evans chu a boss hlui Brendan Rodgers-a’n Celtic-ah lak a duh. Northern Irish pair te hi Leicester City-ah an lo inhrawn hrep tawh. (Scottish Sun)

c Leicester City chuan Italian midfielder Cesare Casadei chu Chelsea atangin hawh an tum. (Sunday Telegraph)

c Manchester City leh Algeria winger Riyad Mahrez chu Saudi Arabian club Al-Ahli in lak an duh. (Fabrizio Romano)

c Al-Ahli hian Newcastle United leh French winger Allan Saint-Maximin pawh lak tumin an dawr bawk. (Alkass – in Arabic)

c Chelsea leh Belgium striker Romelu Lukaku-a’n Juventus leh Saudi Arabia club a hnar hnuin Inter Milan a nawm nawn leh ngei hmel. (Fabrizio Romano)

c Inter Milan hian Lukaku an la thei dawn lo a nih chuan Arsenal leh United States striker Folarin Balogun lam hawi nghal an tum. (Sky Sports Italia)

c Nottingham Forest midfielder Jonjo Shelvey chuan an training camp a chhuahsan a, Nottingham hi a chhuahsan hlai viau tawh. (Athletic – subscription required)

c EPL club thar Sheffield United chuan Shel-vey hi lak an rilruk. (Sun on Sunday)

c Juventus chuan Barcelona leh Ivory Coast midfielder Franck Kessie chu an hnen pan turin thlem. (Fabrizio Romano)

c Leicester City midfielder Danny Drinkwater chuan Chelsea lamah a chhuahsan vang vangin hnuin a club hluiah hian kir leh a duh tih a sawi. (Sky Sports, via Mirror Online)

c Paris St-Germain chuan Bayern Munich in lak an tum Tottenham leh England striker Harry Kane lak khalh an tum. (Independent)

c Chelsea chuan Juventus striker Dusan Vlahovic lak an tum a, kum 23 mi hi PSG pawhin an ngaihven ve bawk. (Mail)

c England defender Kyle Walker-a’n Bayern Munich a zawm a nih chuan Manchester City chuan Bayern Munich leh France full-back Benjamin Pavard chu lak an tum ve nghal dawn. (Guardian)

c Juventus leh Bayern Munich in an ngaihven Walker hi Manchester City chuan kum khat daih contract ziahpui leh an duh. (Mail)

c Marseille hian Iliman Ndiaye pawh lak theih ngei an inbeisei a. Kum 23 mi Senegal forward hi kum nga daih contract ziak turin inremna neihpui tawh mah se Sheffield United hnenah lei dilna an la thehlut lo thung. (L’Equipe – in French)