Ambedkar pianchamah Centre-in beih a tawk

B.R. Ambedkar pianchamah Congress president Mallikarjun Kharge chuan sorkar sawiselin ‘thawm nei thei lova mi siam’ leh midang te ‘anti-nationals ram kalh zawnga che’ tia thliar hran chuan democracy tibalin Constitution a tichhia ang tiin a sawi.
Ambedkar Jayanti a thuchah a neihah Kharge chuan parliament chu debate aiah inbeihna hmunah opposition te ni lovin ruling party ten an chhuah ta tiin a sawi bawk a.
Ambedkar khan Indian politics ah ‘hero-worship’ or Bhakti hlauhawmzia a lo sawilawk tawh a ni, a ti bawk a.
“Indian National Congress aiawhin, a kum 132-naah hian Dr. Babasaheb Ambedkar hnathawh ropui takte kan ngaisang a ni. Babasaheb kha democratic principle liberty, equality, fraternity leh justice champion puitu a ni,” tiin a sawi.
Congress president hlui Rahul Gandhi pawhin Ambedkar chu a ngaihsan thu sawiin, “Equality, liberty, fraternity leh justice te hi Babasaheb Abbedkar an a champion pui a ni a, hei hi min kaihruaitu leh chakna kan lakna a ni reng ang. A pianchamah Indian Constitution siamtu zahna chibai kan buk a ni,” tiin a sawi.
Congress general secretary in-charge communications Jairam Ramesh pawhin Dr. Babasaheb chu tun thlengin ngaihsan hlawh a la nih reng thu a sawi bawk a.
Nehru ngei pawh khan tumah Dr. Ambedkar aia Constitution ngaihtuaha buai midang an awm lo a ti a ni. Chu a legacy erawhin tunah beih a tawk mek thung, tiin Ramesh chuan a sawi thung.
Kharge chuan Ambedkar khan Indian society chu economic leh social thil taka siamthat tuma a beih nasat thu a sawi a. “Architech of India’s Constitution a nihnaah kan zah em em a. Institution ropui tak tak din a nih theih nana sulsutu a ni a, caste discrimination, gender inequality leh divisive politics te nuaibo a nih theih nana sulsutu pawimawh a ni,” tiin Congress president chuan a sawi bawk.
A hun laia economist ropui berte zinga tel pha niin Ambedkar khan India agriculture, water resource management, banking sector lamah hma lain Reserve Bank of India dinna lamah pawh sulsutu a ni bawk.
“Vawiin hian kan constitutional democracy innghahna Babasaheb tena an duan leh modern India din nana sulsutu ber ber – Pandit Nehru, Sardar Patel, Maulana Azad, Netaji Subhash Chandra Bose tena an buaipui chu dinhmun derthawngah a ding mek a ni,” tiin a sawi bawk a.
“Parliament chu debate na aiah inbeih nana chhuah a ni tawh a. Opposition te tih ni lovin ruling party te tih a ni” tiin Kharge chuan a sawi bawk.
Kharge chuan mi tu pawh duhloh zawngte ngaiawh tir tumna – Opposition party an ni emaw, civil society group, activists, NGOs, judiciary, media leh khua leh tui pangngai te ‘anti-nationals’ tia puh hi thil hlauhawm niin kan democracy tichhia a Constiutiton tichhetu tur a ni, tiin a sawi bawk a.
“Dr. Ambedkar khan Indian politics-ah hero-worship emaw Bhakti hlauhawmzia min hrilh lawk a ni,” tiin Congress president Mallikarjun Kharge chuan a sawi bawk.
Ambedkar piancham pual hian India ram hmun hrang hrangah State sorkarte chuan hun an hmang bawk a ni.