EPL club-te’n pawisa khelhna lam sponsor an hnawl

EPL club-te’n pawisa khelhna lam sponsor an hnawl
Premier League club-te thuam inbelah hian pawisa thaptu (gambling firm)-te inzawrhna hlim-thla hmuh tur a awm nual a, 2025-26 season atang chuan hei hi an titawp tawh dawn.
Thlalaka tarlan West Ham pawh hi gambling firm-te’n an sponsor Premier League club pariat zinga pakhat an ni.
Tunhnaiah Premier League club-te hian kum 2025-26 season atang chuan an inkhelh nia an thawmhnaw inbel (matchday shirt)-ah reng reng pawisa thaptute chhinchhiahna bel tel tawh loh an remti tlang a, gambling sponsorship atanga sum lakluh lohah an lungrual tlang ta a ni.
Pawisa thapma thuam hak theih hun chhung deadline an siam avang erawh chuan chutiang chhinchhiahna (gambling brands) an thawmhnawa lo thuibet laklawh tawhte chuan an la ha chhun-zawm rih ang a, LED advertising lamah pawh an hun tiam ral hma hi chuan an phochhuak chhunzawm thei ang.
An kawr hma lama gambling company-te chhinchhiahna pu club pariatte’n kum khata gambling sponsorship atanga an sum lakluh belhkhawm hi pound maktaduai 60 vel nia chhut a ni.
UK sawrkarin Pre-mier League club-te leh league chu gambling sponsorship chungchang hi a thlirpui a, Depart-ment for Digital, Culture, Media and Sport (DCMS) kaihhruaina hnuaiah Premier League leh an hnuaia club-te’n inrawnkhawmna leh sawihona hun an hman zawh hnuah thutlukna an siam ta a ni.
He thutlukna an siam hnuah Premier League hi UK bika sports league zingah mahni duhthu ngeia gambling adverti-sing tihniam tura ke pen hmasaber an ni ta.
Pawisa thapna hian tunhma lam pawhin harsatna neuh neuh a lo thlen tawh thin a, neih inang inkawp leh pawisa khelh dodal nasa Islam sakhaw vuantu footballer zingah thawmhnawa gambling brand tarlanna chuang inbel duh lo sawi tur an lo awm tawh a ni.