AMC City Bus Terminal, Zemabawk ami chu Thawhlehni khan Aizawl deputy mayor R Thanglura’n a hawng.
City Bus Terminal-ah hian thawl nuam taka bus 25 leng thei tura ruahman a ni a, cheng nuai 97.94 senga sak a ni. Driver leh conductor-te tan thutna hmun nuam tak leh inthiarna hmunte siam a ni.
-- Advertisement --
Deputy mayor chuan AMC-in sum tak tak senga Bus Terminal a siam puitling ta chu lawmawm a tih thu a sawi a. Aizawl khawpui chhunga City Bus service-te tan a tangkai dawn hle, tiin, Aizawl tan hmasawnna a ni tih a sawi.
AMC-in sum tak tak senga Chaltlang kawng chho a zauh chu mipui tan a tangkai rualin, mi thenkhatten bawlhhlawh paih an fimkhur loh avanga thlang lam a ti tawp chu pawi a tih thu R. Thanglura hian a sawi a. AMC City Bus Terminal erawh thianghlim leh fai taka a awm theihna’n neitu nihna thinlung pua enkawl pui turin Zemabawk khawtlang leh bus enkawltute a sawm a ni.