Mizoram Journalists’ Association (MJA) Lawngtlai District chuan Thawhlehni khan Lawngtlai Press Club-ah Annual Conference 2023 an hmang.
-- Advertisement --
He hun hmanpuitu Lawngtlai bawrhsap, District MJA patron Amol Srivastava chuan MJA member-te nen inpawhna tha tak neia hna an thawh thu leh kawng hrang hrangah an thlawpna a dawn that thu sawiin, journalist-te chu sawrkar leh mipui inkar thlunzawmtu, sawrkar hmalakna hrang hrang mipui hnen a thlen theih nana hmanraw pawimawh tak an nih angin, sawrkar inrelbawlna felfai a awm theih na’n theihtawpa sawrkar thawhpui zel turin a sawm.
MJA Gen. Hqrs atanga hmanpuitu treasurer C Lalhmachhuana chuan MJA Lawngtlai District tanrualna leh hmalakna chhuanawm a tih thu a sawi a. General headquarters leh district dang tan pawha kawng tam taka entawntlak leh hmahruaitu an nih thinna chu chhunzawm zel turin a chah.
Annual conference-ah hian transfer-a chhuak tur, District MJA patron, Lawngtlai bawrhsap Amol Srivastava thlahna hun hman nghal a ni a. Rorel inkhawmah resolution pass in, “Sawrkar laipui hmalaknaa Mizoram chhimlam kawngpui siamthat mek a ni hi lawmawm kan ti a, kawngpui rotling kan neih theihna’n hnathawktuten rintlakin thawk se,” an ti.