Aizawl Municipal Corporation office, Thuampuia Local Council House chu Aizawl mayor Lalrinenga Sailo chuan June 16 khan a hawng.
Local Council House hi Local Council member-ten AMC office an dawr huna a tul apiang an inbuatsaihna tur leh an chawlh hahdamna turte, an mamawh hrang hrang an thawh nghal mai theihna tura ruahman a ni.
Aizawl mayor chuan Local Council House hi Aizawl City Local Council Association-in rawtna an thlen bawhzuina a ni, tiin, Local Council hi Municipal dangah a awm ve ngai loh thu leh Aizawl kalphung chu a special thu a sawi. Central-a meeting-ah pawh Local Council hnathawh chungchang a sawi chu mithiamten an ngaihhlut thu leh, zirchiang tura Aizawl an rawn kal hial thu sawiin, “Aizawl khawpui tan, AMC leh state sawrkar tan pawh LC hi an tangkai a, thuneihna sang zawk pe tura hma lak mek a ni,” a ti.
A tul ang zelin LC House hi tih changtlun a ni dawn tih Lalrinenga Sailo hian a sawi a. LC-te nena lehkhaa indawrna leh hmalakna hrang hrang pawh online-a tih chhoh a tha tih tih a sawi bawk.
Deputy mayor R Thanglura chuan Municipal hi mipui tan tangkai taka thawktu a ni, tiin, Aizawlin rahbi thar a kai zel tih a sawi a. LC-te chu Municipal nen thawkho tlat an nih angin thawhhona tha neih puiah a sawm.
He building hi cheng nuai 11 senga sak a ni a, LC House/ office bakah driver room leh thildang dah a ni.
AMC office-ah LC House
Get real time updates directly on you device, subscribe now.
Prev Post