Tunhnaiah dan in a phal ang ni lo iron rod size zawrh a tam a. Mizorama iron rod zawrh leh hralh tur atan BIS standard size chauh phal a ni tih hriattirna Food Civil Supplies & Consumer Affairs secretary chuan a tichhuak.
Bureau of Indian Standard-in iron rod siamtute zawm tura a dan siam, ISI 1786 : 2008 (High Strength Deformed Steel Bars and Wires for Concrete Reinforcement -Specification) Section 6.1 sawi angin, High Strength Deformed Steel of Indian Standard (iron rod) size atan 4mm. 5mm, 6mm, 8mm, 10mm, 12mm, 16mm, 20mm, 25mm, 28mm, 32mm, 36mm leh 40mm chauh pawm a ni a; size dang chu a siamtu leh a hmangtute inremna chauha siam phal a ni tih a sawi. Standard iron bar-te hi a size mila a rihna tura bituk huamchhungah chauh siam tur a ni tih a sawi.
BIS Act 2016 sawi angin High Strength Deformed Steel /iron rods siamchhuak tur hian phalna (compulsory certification) neih a ngai a. A standard phalsak ang chauhin BIS licence neitu in a siam thei a ni.
Tunhnaiah bazarah iron rod standard size tling phalo tam tak a awm tih hriat a ni, tiin, heng iron rod size standard dik lo hi mipuiin hmangin an concrete structure chakna a hniam phah thin bakah heng iron rod-te hi a buk nilo, a mal (piece) a hralh a ni fo tih a sawi a. Hetianga an hralh hian dealer-ten standard size-in a huamchhunga rit thei ang bera hisapin dik lo takin an hralh thin tih a sawi a ni.
Iron rod hralhna atan pawh a buka buk chauh phal niin, FCS&CA Department Legal Metrology Wing-in a endik electronic weighing machine chauh hman tur a ni tih a sawi bawk.
He hriattirna bawhchhia chu BIS Act 2016 leh CrPC Act 1973 hmanga hrem an nih tur thu a sawi a ni.
an phal loh iron rod size zawrhchhuah a tam
Get real time updates directly on you device, subscribe now.