Aizawl – Agartala thlawhna service zawm theihna’n hma la

Tripura tlawhtu Mizoram Transport minister TJ Lalnuntluanga chuan Tripura Transport minister Sushanta Chowdhury chu Agartala-ah hmuin kumin June atanga tawp mai tur nia hriat Aizawl to Agartala flight service chhunzawm zel dan tur a sawipui.
State pahnih Transport minister-te inkawmnaah hian Aizawl to Agartala flight service chhunzawm zel a nih theih na’n hmalak tulte sawi a ni a. State pahnihin theihtawp chhuaha bawhzui tlan tha an ti a; Ministry of Civil Aviation leh thlawhna company thuneitute hnena ngenna siam nise an ti.
Agartala Mizo Welfare Association (AMWA) hruaitute chuan sawrkar thil pawimawh ti a Agartala-a zin minister TJ Lalnuntluanga hi hmuin, Aizawl to Agartala flight service tawp mai tura hriat chungchanga hma lak pui tura an lo ngen bawhzuia hma la a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More