Apex Court-in Punjab Governor khak na hle

Supreme Court chuan Governor chuan State Legislature-in Bill pawimawh a pawm tawhte a thutbet reng thei lo tiin a puang.
Mipui thlan chhuah legislature rual tena thu an pawm tawh chu thutawp a ni em tia zawhna awm pawh Court chuan a tifiah nghal anga ngaih a ni bawk.
Apex Court chuan Punjab sorkar aiawha ding senior advocate A.M. Singhvi an Governor Banwarilal Purohit chuan Sikh gurdwars, police leh higher education kaihhnawih bill pawimawh tak te chu June 19 leh June 20, 2023 a Vidhan Sabha Budget Session a passed tawh te chu a hupbet tlat a ni a tihah thutlukna a siam ta a ni.
Governor chu vau lawk bawkin court chuan Bill a pawm duh mai loh te chu rang taka pawmna pe turin a ti zui bawk a.
“Thuneihna tak tak chu parliamentary form of democracy hnuaiah chuan mipuite thlan aiawh te kuta awm a ni. Governor chu President in titular head of the State tura President ruat mai a ni a. Governor chu Council of Ministers te thurawn angin Constitution in titura a tuk anga a him china chet la mai tur a ni. State emaw ram emaw rorelna kaihhnawiha thutlukna chu mipui thlan te siam tur leh an kuta awm a ni a. Constitution kaihhnawih thilah Governor chu sorkar khalh leh pui tura constitutional statesment ni tura awm a ni” tiin court chuan a sawi.
Purohit chuan Bill te a pawm mai duh lohna chhan chu Speaker berin March thla daih tawh khan House chu rorel chawlhtirna awm lovin a lo titawp tawh vang a ni a ti thung a. Hei vang hian he bill pawm a nih theih nana June thlaa special Assembly koha Bill passed te chu ‘dan kalh a ni’ tia sawiin Punjab Vidhan Sabha Rules bawhchhiatna zawk a ti thung bawk a.
A secretary kaltlanga sawitu Governor chuan House chu October thlaah Money Bill pathum passed turin koh leh a ni a ti bawk a. Money bill zinga pahnihte chu State sorkarin Supreme Court-ah a zualko hnua House-a introduce chauh an ni, a ti bawk. Money bill pakhat chu Governor kutah a la awm mek a, Governor chuan October a thutkhawm Speaker-in a koh pawh kha dan kalh a ti bawk a. Speaker-in Monsoon Session thleng raka Budget Session a pawtsei thei lo a ti bawk a ni.
Governor chuan Speaker chuan chawlh tirna siam lovin House chu a titawp nghawt thei lo a ti bawk a. House rorel tihtawp ‘adjourning sine die’ chu session neih laia tihtawpna mai a ni a, prorogation(chawlhtirna) tak tak chu session kharna a ni a. Speaker-in House a adjourn ang a, governor-in a prorogues ang, a ti bawk.
Supreme Court chuan Purohit thlir dan chu hnawlin Speaker chuan House adjourn turin dikna a nei a ni a ti thung a.
“Speaker hi House zahawmna humhimtu leh constitution-in House-a thunei tura a tih a ni a, House sine die a tih hi a thuneihna chhunga awm a ni,” tiin court chuan a sawi thung.
“June 19-20 a House thutkhawm koh kha Rule 16 of the Punjab Vidhan Sabha Rules huamchhung vek a ni a. Legislature session neih te dan kalh anga ngaih tumna chu democracy hlauhthawn-awma awm tir tuma beihna anga ngaih theih a ni,” tiin court chuan Governor chu a khak bawk.
Bench chuan House chu adjournment chungchangah Speaker thutlukna a kalh a ni a ti bawk a. House rorelna kalpui danah Governor-in inrawlhna neih a tum chuan chu chu constitution kalh a ni ang a ti bawk a. Court chuan Governor chuan Bill te chu a pawmpui emaw ngaihtuah leh turin a thawn let emaw President enfiah turin emaw a thawn thei a ti bawk.
Mahse court chuan tawngkain Speaker-in adjourn sine die a tihtheihna chu session tawp chin nei thei lek lova siam nana hman chi a ni lo a ti bawk.
Hei bakah hian court chuan house sine dine chin tawk lek lova reia siam a nih loh nan hmalak tur ti thungin chu chu Singhvi chuan chhangin Punjab Chief Minister chuan Punjab Vidhan Sabha Winter Session neih turah pawh a rang thei ang berin Governor a be rawn ang tiin a chhang a ni.