April 21-ah Miss Mizoram Sub Title Night

Miss Mizoram 2026 pawh a hmawr an bawk hnai ve leh ta a, April ni 21 zanah Dawrpui Multipurpose Hall-ah Sub Title Night an hmang ang a, April ni 24 zanah R Dengthuama Indoor Stadium-ah grand finale neiin, ‘Miss’ puan a ni ang. Kumin Miss Mizoram hian lawmman Rs 2,00,000 bakah scooter thar leh foreign trip bakah thilpek dang dawn tur a nei dawn a ni.
Miss Mizoram 2026-ah hian contestant 20 awmin, district aiawh paruk leh college hrang hrang aiawh pariat bakah open audition atangin mi parukin final round hi an lut a ni. Sub Title Night-ah hian Miss Congeniality, Miss Talented, Miss Active, Miss Body Beautiful, Miss Photogenic leh Miss Rampwalk te puan a ni dawn a, Grand Finale-ah Sub Title dang- BWAP, Miss Multimedia (People’s Choice), Miss Beautiful Skin leh Miss Personality te puan a ni ve thung ang. BWAP leh Miss Multimedia winner te chu direct-in Top 10-ah an tling nghal dawn a ni.