BTS ‘SWIM’ a la lar ber

BTS hla hit ‘SWIM’ chu Billboard Global 200 chart-ah a No.1 a, he chart-a hian a zawnin kar thum a No.1 tling ta. Hetihrual hian Ella Langley “Choosin’ Texas” pawh chart top 10-ah a rawn lang ve ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuang a official-only stream (subscription leh ad-supported audio leh video music services), leh download sales te chu tehna pawimawh a ni.
BTS ‘SWIM’ hian kar khat chhungin stream maktaduai 83.3 leh download sales 44,000 a la nei thei a, hei hi a kar thum nan chart-ah a No.1 pui leh ta a ni.
Dominic Fike ‘Babydoll’ chu No.3 atangin No.2-ah a insawn a, Tame Impala leh JENNIE ‘Dracula’ chu No.4 atangin No.3-ah a insawn, Olivia Dean “Man I Need” chu No.6 atangin No.4 a kai thar leh ta a, chart No.1 hlui PinkPantheress leh Zara Larsson ‘Stateside’ chu No.5-ah bawk a la awm.
Billboard Hot 100 (US singles) chart lama No.1 ni thei, Ella Langley hla hit “Choosin’ Texas” chuan stream maktaduai 31.2 leh sales 11,000 nei lehin, No.18 atangin No.8-ah a invawrh a, he chart top 10-a Ella Langley lan vawi khatna a ni. He hla hi Hot Country Songs chart-ah kar 20 a No.1 tling tawh a, Hot Country Songs-a No.1 ni thei zinga Global 200 chart top 10-a lang thei hla 13-na a ni bawk.
Billboard Global 200
Top 10:
1 Swim – BTS
2 Body To Body – BTS
3 Babydoll – Dominic Fike
4 Dracula – Tame Impala & JENNIE
5 Stateside – PinkPantheress With Zara Larsson
6 Man I Need – Olivia Dean
7 Golden – HUNTR/X: EJAE, Audrey Nuna & REI AMI
8 Ordinary – Alex Warren
9 The Fate Of Ophelia – Taylor Swift
10 Hooligan – BTS