AR 35-in chawimawina dawng

AR 35-in chawimawina dawng
Assam Rifles zinga hna thawk tha zual thlanchhuah mi 35 chuan chawimawina tangkapui, Governor’s gold medal 15 leh silver medal 20 an dawng.
Zirtawpnia anmahni hnena hlanna inkhawmah larsap Dr Hari Babu Kambhampati chuan, Assam Rifles chu India rama paramilitary force upa ber leh hmarchhaka hmingtha tak, an hnathawh that avanga ‘Tlangmite thian’ tih hiala vuah an ni tih a sawi a. A bikin Mizorama ruihhlo tawlh man leh dan loa sumdawnna ven kawnga 23 Sector Assam Rifles hmalakna fakawm a tih thu a sawi. Tunhnaiah ralthuam thahnem tak bakah hel thlenga man an ni leh khawtlang mipui rawngbawl sak kawnga Assam Riflese hmalakna chhuanawm a tih thu a sawi bawk.
Governor’s gold leh silver medal hi chawimawi phute hlan thin an ni, tiin, hetiang chawimawina a hlan thei chu a lawm takzet tih a sawi bawk.