Ariana Grande leh Cynthia Enrivo te channa ‘Wicked’ chuan 2025 Oscar-ah nomination 10 neiin, huhang lian tak neiin, award semna an hmachhawn a, mahse, award lam ai mahin Ariana leh Cynthia te performance chuan sawi zui a hlawh ta zawk mah a ni.
Ariana leh Cynthia te hian Wizard of Oz-based film-a hlate an perform a, Ariana Grande chu thawmhnaw sen leh slipper sen nen inlanin, 1939-a The Wizard of Oz version ‘Somewhere Over the Rainbow’ a rawn thlawh a, pui tak a ni, Ariana Grande aw thatna bakah a aw control hnehsawh zia te a langchiang khawp mai.
Stage atanga Grande chhuah hnuah Cynthia Enrivo chu kawrfual var nan a rawn chhuak ve leh thung a, 1978-a The Wiz film atangin ‘Home’ hla a rawn thlawh ve thung. He hla hi Diana Ross lo sak lar tawh a ni, Enrivo hi Ross aiin a nep chuang lo nasa!
Classic Oz film pahnih a hlate an sak hnuah Grande leh Enrivo te chuan ‘Wicked’ film atangin ‘Defying Gravity’ an sa dun leh a, hmulthi tiding sung sung thei khawpa puiin an perform a, Dolby Teatre chhunga Hollywood star rual te pawhin hnuk ulh teuhin an ngaithla a, mittui lo hru deuh zauh zauh te pawh hmuh tur an awm.
Ariana Grane leh Cynthia Enrivo te Oscar-a chet ha
Get real time updates directly on you device, subscribe now.
Prev Post
Next Post