December 7 khan ram pumah ‘Armed Forces Flag Day’ hman a ni a. Hemi pual hian ram himna atana an hun hlan ta armed force-ten an kalsan tak an chhungte tan vehbur khawn thin niin, Mizoramah pawh Sainik Welfare & Resettlement-in an khawn a ni.
Sawrkar official hrang hrangte hnenah vehbur hi khawn niin, Rs. 21060 an hmu. District Sainik Welfare Office paliten Armed Forces Flag Day badge leh sticker sawrkar department hrang hranga chansak tura an sem atangin thahnem tak hmuh belh tura beisei a ni bawk. Tlawmngaia thawhlawm petu leh Flag Day material chansaktute chungah Sainik Welfare & Resettlement department chuan lawmthu a sawi a ni.
Armed Forces Flag Day-ah hian sipai huaisen, ram leh hnam tana nun hlan ta te hriatrengna leh la tanglai mek, mahni in lum leh chhungte bula awm loa, ram leh hnam venhimna atana vur ram khaw vawt, thlaler ram ro, ram pilril tak tak, ngawdur leh tuifinriat zau tak tak leh van sanga ram venhim nana thawkte chibai bukna ni fawmin, ram tana nun hlan ta leh an nupui fanaute mi harsa zual tanpui nan vehbur khawn thin a ni a. Kum 1949 atang khan hman tan a ni.
Armed Forces Flag Day
Get real time updates directly on you device, subscribe now.
Prev Post
Next Post