Army ten Rs 15,000 crore sengin ralthuam lei belh

Indian army Emergency Procurement hmanga ralthuam thawh li na tur lei tum mek chuan ralthuam lei tura inremna 80 vel siam tawhin a hlut lam chu Rs 15,000 crore vel a ni, tiin Army Chief Gen. Manoj Pande chuan a sawi.
Helicopter bikah chuan indigenous Light Combat Helicopter (LCH) tun hnai lawka Army tena an dawn tawh chu a zanna leh chetranna avangin thlangkara che tur chuan duhthusam ber zawk tiin a sawi a.
Army te chuan tun hnai lawkah LCH squadron hmasa ber 351 Army Aviation chu Missamari, Assam, Eastern Sector a Line of Actual Control hnaiah an sawn tawh a. LCH hi Army-in helicopter attack bik liau liau a neih hmasak ber a ni a, Rudra weaponised Advanced Light Helicopter (ALH) a hmang a ni.
“Combat aviation profile lamah LCHs 90-95 vel neih kan tum” tiin Gen. Pande chuan a sawi bawk a. Army te hian February 2024 hma in AH-64E Apache attack helicopter an dawng hman dawn bawk.
Mahse, LCH te hian anti-tank leh air-to-air missiles te chu an la nei lo va. LCH leh Advanced Light Helicopter (ALH) ten ra,thuam an ken tlan chu HELINA (Helicopter Mounted NAG) a nia, hei hi Defence Research and Development Organisation (DRDO) te siam a ni.
Gen. Pande chuan HELINA trial chu a hlawhtlin thu sawiin platform ah HELINA hmang tura hma an lak nghal thu a sawi a. Defence Acquisition Council chuan launchers 40 leh missiles 500 neih a tum thu bawiin, “Integration hrim hrim hi a pawimawh a, hmalak mek a ni” tiin Army Chief chuan a sawi.
Army te hian indigenous Light Utility Helicopter (LUH) an dawng dawn bawk a, Gen. Pande chuan he helicopter hi surveillance atan pawha hman theih a nih thu sawiin hlui tan tawh Cheetah leh Chetak service mek lai 200 vel te thlaktu tur tiin a sawi.
Army te chuan Hindustan Aeronautics Limited (HAL) chu LUH tichangtlung zual turin an gnen a, hmalak zui mek a ni tiin Gen. Pande chuan sawi bawkin chung zingah chuan auto pilot chu tihmakmawha ngaih a nih thu a sawi.
Army Aviation te hian Leh, Missmari leh Jodhpur-ah brigade thum neiin chungah te chuan indigenous Advanced Light Helicopters (ALH) 145 vel dah a ni a, heng zinga 75 te hi Rudra weaponised variants te an ni a, Cheetah, Chetak leh Cheetal helicopter 190 vel upa tawh tak an awm bawk a. A dang te chu ALH Mk-III te niin 25 vel te chu kum hnih hnu vela lakluh tur an ni.