Article 371G humhim turin a tawp thlengin kan bei ang – Tawnluia

Article 371G humhim turin a tawp thlengin kan bei ang – Tawnluia
India constitution-a Mizo hnam leh sakhua inhumhimna Article 371G chu engti kawng zawng pawha humhim turin a tawp thlengin MNF chuan a bei dawn tih deputy chief minister Tawnluia chuan a sawi.
Zirtawpnia an party office Mizo Hnam Runa inkhawmah MNF senior vice president ni bawk Tawnluia chuan MNF chuan Mizote ram bawh chinin a huam ram leilungte rorelna pakhat hnuaia inzawmkhawm leh Mizote sakhua humhim chu an tum bul ber a ni tiin, chu chu India Constitution article 371G ah a inziak a. Mizote sakhua, vantlang nun leh ram leilung hi a neitu bik kan nihnaah India Parliament-in a tidanglam thei loang, tiin a inziak tih a sawi.
“He Article 371G hi engti kawng zawng pawhin humhim turin a tawp thlengin kan bei ang. MNF leh India sawrkar inremna thuthlungah khan ILP (inner line permit) pawh Mizoram sawrkar rawn lo chuan India sawrkar hian a thiat emaw a paih thei lo ang, tih a ni.
MNF hi Zohnahthlak zawng zawngte tan kan homeland ni turin, kan hnam din-chhuahna’na din a ni,” a ti.
India ram chu sakhaw zalenna ram a nih laiin, Uniform Civil Code chuan min chawhchawrawi a, inkhairual tumna dan siam a tum a, state thenkhatah phei chuan an pass hlawm tawh, tiin deputy chief minister hian a sawi. “MNF party