I kawppuiin a kawppui dang a nei leh neih loh hriat dan!

Body language expert-te chuan miin dawt an sawi leh sawi loh hriat dan awlsam deuh, an taksa chetzia atanga man chhuah theih dan a awm niin an sawi.
I kawppui chu a kawrah tu lipstick emawni a lo kai a, engtin nge a tih kai tih i zawt a, engtin nge a chhan che. Min ringhlel e law, tih melh melhin thinrim hmel lek lekin a melh che em? Nge, engmah sawi lovin, a ngawi reng zawk?
Hetianga an awm chuan eng emaw tak a awm tihna a ni. Body language expert Marc Salem chuan, zawhna tawngkaa kan chhan duh loh, chetziaa kan lantirah hi chuan min zawhna kha chhan kan chak loh zawng tak a ni duh hle a, eng emaw inthiam lohna kan nei tihna pawh a ni thei, a ti.
Eng emaw i zawh a, a chhan lai che a, a hmui a khawih a, a hup deuh ti tih a nih chuan, thudik chiah lo deuh a hrilh che tihna a ni thei. Chutiangin, i zawhna chhang mumal lova nuih liam mai mai emaw, thil tul mang hlei lo a tihchunzawm daih te a nih chuan, eng emaw tak chu i lak atanga zep a nei a ni duh khawp ang.
Salem chuan, “Nui tak tak leh nui lem hi thliar hran a harsa lo khawp mai. Mi an nuih tak tak chuan a mit meng a êng a, a biang ki leh mit ko te pawh a sâng deuh thin. Nui lui leh nui lem chu a rawn thawk thut a, a reh lehnghal daih a, an hmelah danglamna a awm lo,” a ti.
I kawppui chu rinhlelhawm deuh a awm a, chanchin i zawt chiang deuh a, a nui liam vel mai mai a nih chuan thil dik lo a awm tihna a ni thei a; a enga mah hmain a thinrim nghal vak a nih pawhin eng emaw dik lo a awm tihna a ni thei bawk.