Artist 100-ah Ariana Grande a No.1

Ariana Grande chu kar khat chhunga US-a zaithiam lar ber niin, Billboard Artist 100 chart-a a No.1 a, he chart-a a No.1 tawh zawng zawng belhkhawm chu kar 16 a tling ve ta. Ariana Grande hi a album thar Eternal Sunshine avangin he chart-ah hian a No.1 ve leh ta a ni.
Artist 100 chart hi kar khat chhunga zaithiamte lar dan tehna niin, chart ranking siam nan hian kar khat chhunga an album leh hla hralh tam dan te, streaming leh radio airplay te chu tehna pawimawh a ni.
Ariana Grande album thar ‘Eternal Sunshine’ chu kar khat chhungin US-ah 2,27,000 hralhin Billboard 200 (albums) chart No.1-ah a debut a, he album-a a hla “We Can’t Be Friends (Wait for Your Love)’ chu Billboard Hot 100 (singles) chart-ah No.1 a ni bawk a, hei hian Artist 100 chart-ah pawh a vawrh sang leh ta a ni.
Ariana Grande hi he chart-a No.1 nih ngun lamah Ed Sheran lehpelin parukna a ni ta a, he chart-a No.1 ni ngun ber chu Taylor Swift niin, kar 102 a No.1 tling tawh a, Drake (38), The Weeknd (28), BTS (21), Adele (20) leh Ariana Grande (16) ten an dawt.