Artui chhungah a sen a lo awm em?

Artui chhungah a sen a lo awm em?
Artui kan kang dawn a, kan han chhu keh a, artui chhung mu eng bakah a pawn var kan tih mai a tuihnang fim a lo awm bawk a. A chang chuan thil sen lam rawng kai deuh (a hring lam lek lek te pawh a ni thei) a lo awm tel ve leh tlat thin. Chutiang thil danglam deuh, a eng leh a fim ni lo a lo awm chuan a nihphung tur pangngai a ni lo tih hriat phawt tur a ni a, bacteria avanga chutiang thil sen chu lo awm pawh a ni thei. Tun tumah hian Times of India-in artui hrisel tha chungchang an ziah kan rawn tarlang e.
Artui tharlam tha pangngaiah chuan a chhung var kan tih mai, albumen an tih bawk chu a fim emaw tlema paw deuh emaw a ni tur a ni. Chutiang chu a la thar tha hle tih entirna a ni. A lo paw deuh a nih chuan carbon dioxide leh protein vang a ni thin a, a pawi lem lo. Hetihrual hian artui i chhut keha khan a chhungmu eng leh a pawn var (fim) bak rawng dang a awm tur a ni lo a, thil sen (a senno emaw a hring lam deuh emaw pawh a ni thei) a awm tel tur a ni lo. Rawng danglam a lo awm tel chuan bacteria a awm tihna a ni thei a, artui chu a chhia (spoil) a ni thei bawk. Artui quality hriat theihna rintlak tak chu a pawn var (fim) kan tih landan hi a ni a, rawng dang a tel chuan a thianglim tawk lo tihna a ni.
Artui chhungmu engah khan thisen ang deuh a lo awm a nih chuan thil pawi a ni lem lo a, hei hi chu arpui a tui laia thisenzam keh (ruptured blood vessel) vanga awm a ni thin a, bacteria emaw thildang emaw vang a ni lo.
Artui chu a lo khi deuh emaw, a dahna hmunin a zir loh vang emawin bacteriain a bawh thei a, bacteria a awm chuan a rawng a lo danglam a, a rim thlengin a danglam thei. Food safety lama mithamte chuan artui chhungmu var laia rawng dang, a sen emaw a senno emaw a hring lam deuh emaw a lo awm chuan ei loh a tha ber niin an sawi.
Artui chhungmu var a hetiang rawng danglam awm kan ei chuan kan thil ei atanga natna (foodborne illness) neih phah theih a ni. Artui-a bacteria awm chuan luak chhuak, luak, kawthalo, pum nuam lo leh khawsik te pawh a thlen thei. Naupang leh kum upa lam bakah nu naupai lai leh tlang hrileng kai hma chi angah te chuan infection serious zawk thlenin, inenkawl zui te pawh a ngaih phah hial thei a ni.
Artui chhungmu eng a thisen ang deuh a spot lo awm hi chu kan tihhmin tawh chuan ei a pawi lo a, a chhungmu eng lai ni lo, a var (fim) laia rawng dang a lo awm ve thung chuan bacteria- Salmonella emaw Pseudomonas emaw a awm tihna a ni thei a, taksa hriselna atana tha lo a nih avangin ei loh tur a ni.
Artui chu a heng a lo khi emaw keh emaw a dawr emaw a nih chuan ei loh tur a ni a, kan emaw chhum hmin emaw pawh tum kher loh tur a ni. Chutiangah chuan bacteria a lo awm hman duh tawh hle a, bacteria chu chhum emaw kan emaw pawhin an thi mai lo thei a ni. Artui chu a hel a ei (hip) emaw a hmin tha lo emaw ei loh tur a ni a.