Arvind Kejriwal thinrim chuan Lieutenant Governor VK Saxena chu Delhi zirtirtute Finland-a training tura tirh an tum a kalh avangin a ânkhum nghek a, LG chu thutlukna siam thei a ni em a ti bawk.
-- Advertisement --
“Tu nge LG?” tia sawiin Arvind Kejriwal. Chief Minister of Delhi chuan special assembly sesssion neihnaah a sawi hial a.
“Tu nge LG? Kan lu chungah a thu a. Kan fate zirna kan kalpui tum danah thutlukna siamtu a ni em ni? Heng mite hian kan fate lehkhazir thei lovin an siam a ni. LG hian min dang turin eng thuneihna mah a nei lo. Nunah hian nghet hlen tur engmah a awm lo. Naktuk lawkah Centre-ah rorelin kan thu thei, kan sorkarin mipuite a sawp ve ngai dawn lo,” tiin Kejriwal chuan a sawi a.
“Kan zirtirtute pawhin LG-n ka homework a enfiah ang em em hian kan homework te kha an enfiah ve lo, spelling, handwriting thlengin a complaint reng mai a ni. LG hi ka headmaster a ni lo? Mipui thlan chief minister ka nih hi,” tiin Kejriwal chuan a sawi zui bawk.
Kejriwal leh an party-te chuan Lieutenant Governor chu Delhi sorkarin primary school teacher te Finland-a training tura tirh a tum chu lo dangah an puh a. Saxena chuan an puhna hnawl thungin cost-benefit analysis nei tura a tih mai chauh thu a sawi thung.
“LG hnenah hian cost-benefit analysis nei tura min ti thei a ni em tih ka zawt a ni. Mipui thlan ka ni ka ti a. LG-in president-in min thlang a ti ve thung a. British ten viceroy an thlang ang khan maw? Viceroy te kham, ‘nangni Indians te hian in rorel dan in thiam lo an ti fo thin’. Tunah nang LG hian ‘nangni Delhiwalas ho hian rorel dan in thiam lo min ti a ni” tiin Delhi Chief Minister chuan a sawi zui bawk.
Kejriwal chuan Lieutenant Governor chuan December thlaa Municipal Corporation of Delhi (MCD) poll-a BJP tean seat 104 an la thei chu a inchhuan phah thu a sawi bawk a.
“Kan inhmuhnaah BJP te chuan amah avangin MCD poll-ah seat 104 an lak theih thu a sawi a, amah awm lo se chuan seat 20 pawh an la tling lovang a ti a ni,” tiin AAP chief chuan a sawi bawk a. Saxena chuan amah avang bawkin Lok Sabha inthlan hunah pawh BJP te chuan Delhi Lok Sabha seat pasarih an hui vek ang a ti bawk.
LG hian amahin thutlukna siam turin thuneihna engmah a nei lo a ti bawk a. “Supreme Court-in chiang takin police, ram leh public order tih lohah chuan thutlukna engmah a siam thei lo a ti a ni,” tiin Kejriwal chuan a sawi bawk.
Delhi Chief Minister chuan BJP MPs, MLAs leh minister te fate India ram pawna lehkha zir te list lek chhuak bawkin, tu te pawh hian education tha ber an nei thei tur a ni, a ti bawk.