ASF vangin vawk damlo suat dawn
Tunhnaia Champhai district Ngur khuaa vawk pul hri leng, African Swine Fever (ASF) hmuh a nih avangin he khuaa vawk damlo chu suat vek an ni dawn.
ASF darh zel tur ven kawnga hmalak dan ngaihtuahin Thawhlehni khan District AH & Vety Officer Dr B Lallawmsanga hoin Ngurah an inrawnkhawm a, VC leh NGO hruaitute an tel.
Sawiho hnu ah department leh khawtlang aiawhte chuan Ngur khuaa vawk damlo mekten vawk dangte hri an kai darh zel lohna’n suat veka mumal taka phumbo nise an ti a; a ranglama hma la tur leh a tul ang buaipui nghal turin VC leh AH & Vety department-te ruat an ni.
Tun thlengin Ngur khuaa vawk pul hri – ASF leng mekah vawk 67 an thi tawh a, AH & Vety hmalakna in vawk damlo 7 suat a ni tawh. Tunah hian vawk damlo engemawzat an la awm mek a ni.
He khuaa vawk damlote hi sample endiknaah ASF hri an kai tih finfiah a nih hnu, May 4 atang khan thu leh awm hma vawk hrilenna hmun ‘Infected Area’ a puan an lo ni tawh a. Ngur khua atangin vawk lakchhuah leh lakluh phal a ni loa, vawk thi reng reng paih mai loin chinai (lime) nen thuk taka phum tur a ni a, Ngur khuaah vawk talh leh vawksa zawrh khap a ni bawk.
ASF vangin vawk damlo suat dawn
Get real time updates directly on you device, subscribe now.
Next Post