Asian Champions Trophy: India 7-2 China

A thlengtu India mipa hockey team chuan Ningani khan Chennai khawpuia Asian Cham-pions Trophy hockey tour-nament bul an tanna inkhelah 7-2 teh-rengin China an sawp phawt!
He inkhelah hian captain Harmanpreet Singh leh Varun Kumar-te’n goal hnih ve ve thunin, Mayor Radhakrishnan Hockey Sta-dium-ah kawng tinrenga India hmelma lian China chu hockey khelh an zirtir!
Harmanpreet (5th, 8th minutes) leh Varun (19th, 30th) hian penalty corner atang ve vein goal an khung a; anni pahnih bakah hian Sukhjeet Singh (15th), Akashdeep Singh (16th) leh Mandeep Singh (40th)-te’n mualneitu team tan an vawlut ve bawk.
China goal neihchhun pahnih hi Wenhui E (18th) leh Jie-sheng Gao (25th) tihluh a ni.
Men in Blue hian nimin khan Japan hmachhawn zui lehin, an result erawh tarlan hman a ni lo.
Ningani inkhel dangah Firhan Ashari goal hnih vuakluh hmangin Malaysia pawhin 3-1-in Pakistan an hneh.
Mayor Radhakrishnan Hockey Stadium-a 2023 Asian Champions Trophy Hockey game hnihnaah hian Ashari chuan minute 28 leh 29-naah inzawm zatin goal a khung a; minute 44-ah Shello Silverius chuan goal khat thawh ve bawkin, Men in Green goal neihchhun hi minute 55-a Abdul Rehman tihluh a ni.