Assam Governor ban turin TMC, AAP ten phut

Trinamool Congress (TMC) leh Aam Aadmi Party (AAP) Assam unit te chaun state Governor Gulab Chand Kataria chu Rajasthan assembly election-ah BJP candidate tana a campaign avangin ban turin ngenna an siam.
Kataria emaw Assam Governor’s Office atangin engmah insawifiahna emaw thuchhuah siamin a la awm lo thung a.
Thuchhuah party pahnih tena a hran ve ve an siamah President leh Election Commission of India chu Governor laka hremna lekkawh tura ngenin constitutional post chelhtu a nih avangin a chelh hmain political post tin te pawh bansan vek a ni, an ti a.
“Assam Governor Gulab Chand Kataria chu Udaipur, Rajasthan-ah campaign-in a virbuai a ni. Hei hi democracy tana tha lo a ni a, Election Commission of India chuan a lakah hremna a lawkkawh tur a ni,” tiin Assam TMC President Ripun Bora chuan a sawi a.
Constitution humhim tur ber Kataria BJP tana a campaign hi a zahpuiawm a ni ti bawkin, “A nihna atangin ban nghal a ni tur a ni,” tiin Bora chuan a sawi bawk a.
Kataria chu Udaipur ah BJP candidate Tarachan jain tan a candidate hi election norms bawhchhiatna a ni bawk a, a chhan chu constitutional post chelhtu a ni tiin a sawi bawk.
“Hun rei lo te kalta khan Assam Assembly-a Deputy Speaker Numal Momin chu BJP tan Mizoram-ah a campaign tawh bawk a, tunah Kataria a campaign leh a. Hei hi constitutional norms bawhchhiatna a ni a. head of state a nih angin Governor chuan political party a thlawp thiang lo,” tiin Assam TMC chuan a sawi a.
Heng example pahnih te hi BJP tena thuneihna hmangsuala autocratic leh undemocratic sorkar an kalpui zia pholanna a ni, tiin a sawi bawk a.
“President leh Election Commission of India te inrawlh nghalin Governor Gulab Chand Kataria hi ban a ni ngei tur a ni,” tiin thuchhuah chuan a tarlang bawk.
AAP Assam coordinator Bhaben Choudhury pawhin governor chuan eng hnam, rin dan eng pawh nei se, eng sakhua pawh zui se Constitution kengkawhin politics nen a chum chilh tur a ni lo, a ti bawk a.
“Mahse, Kataria chuan anti-constitutional activity tiin inthlanah political party tan a campaign a ni. Governor post a tihniam a, Indian politics a tibal bawk,” tiin a sawi bawk.
A ban nghal an phut thu sawiin Choudhury chuan an party chuan ECI hnenah Kataria hrem tura an thlen tur thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More