Rajasthan-ah BJP tena sorkar-na an chang a nih chuan Congress sorkarin welfare scheme a kalpui mek te chu titawpin an billionaire thian te bak an pui lovang, tiin Congress leader Rahul Gandhi chuan a sawi.
Party candidate Narendra Budhania tana Churu district a Taranagar-ah public meeting a nei a.
“BJP sorkar a piang a nih chuan Congress tena old pension scheme, healht insurance scheme, subsidised cylinders bakah hmeichhia te tanpuina kum khata Rs 10,000 an pek te chu titawpin an billionaire thian te an pui ang,” tiin Gandhi chuan a sawi a.
Congress te thlantlin an ni leh a nih chuan mirethei, loneitute leh sumdawng tenau ten an hlawkpui dawn a ni a ti bawk a.
“Loneitute loan ngaihdam a ni ang a, tanpuiin an awm ang a, sumdawng tenau ten hlawkna an chang ang a. Thutlukna in kutah a awm a. Adani sorkar nge in duh loneitute, hanthawktute leh thalaite sorkar zawk,” tiin Gandhi chuan a sawi.
Hei bakah hian Prime Minister Narendra Modi an ‘guarantees’ a tih chu a sel bawk a.
“Modi guarantee chu Adani tana guarantee a ni a, Congress guarantee thung chu loneitu, hnathawk leh thalaite tan a ni a. Chu chu a danglamna a ni a, in thutlukna siam tur a ni,” tiin a sawi.
Congress te chuan sum mirethei te ipteah an dah laiin BJP te chuan Adani ipteah an dah thung a ti a.
BJP te chuan Adani puiin company a leina tur sum an pe a, Congress te chuan loneitute ipteah pawisa an thun thung a ti bawk.
Rahul Gandhi-a’n duhthlang turin ti
Get real time updates directly on you device, subscribe now.
Next Post