ASSAM INTHLAN: Shah-a’n bial 90 chuang lak inbeisei

Lemchang thiam, politician ni ta, Vijay chuan a party, Tamilaga Vetri Kazhagam (TVK) tan Tamil Nadu assembly inthlan neih turah bial hnih atangin a chuh dawn tih a puang.
Vijay-a dinna tur hi Perambur leh Trichy East bial a ni dawn a. Perambur-ah hian DMK atanga MLA tang lai, RD Shekar a bitum dawn a. Trichy East-ah hian MLA tang lai tho, DMK candidate Inigo Irudayaraj nen an inhmachhawn bawk ang.
State khawpui, Chennai-a vantlang inkhawma inthlan a chuh tur thu a puannaah, “C Joseph Vijay ka ni dawn,” a ti.
Vijay-a hian bial danga TVK candidate turte pawh a tar lang a, amah zuitu nghet zawng zawngte chu inthlan tura hming a puanah hian an tel vek a. State chhunga assembly bial 234-a inthlan hi April 23-ah neih a ni dawn a, May 4-ah chhiar a ni dawn a, tuna assembly kal meka member-te hun hi May 10-ah a tawp dawn a ni.
Party hruaitu hlun leh Vijay-a thuihhruai zinga mite — N Anand, Adhav Arjuna, R Arunraaj, CTR Nirmal Kumar leh KA Sengkottaiyan te chu party hotu chuan an candidate atan a thlang a. ANni bakah hian T Nagar, Villivakkam, Gobichettipalayam leh Thirupparankundram te pawh a tel.
Vijay-a hian mipuite hnenah thutiam pawimawh tak tak a puang bawk a, ruihhlo laka fihlim leh mahni kea ding Tamil Nadu din a tum thu a sawi a. Sorkar exam zawng zawng a hun takah, tihkhawtlai lova kalpui vek a nih tur thu a tiam a. Thalai hamthatna chungchang tar langin thla tin graduate-te tan Rs. 4,000 leh diploma neite tan Rs. 2,000 a pek tur thu a puang bawk.
TVK hotu chuan a party candidate-te chu party dang MLA-te ang lo tak an nih thu a sawi a. Mi tha leh pangngai, mipui aw ni thei tur, assembly venghimtute an nih tur thu a sawi.