ATP ranking thara top-15 luahkir veteran Bopanna
Thawhtannia mipa tennis ranking thar tarchhuahah Indian veteran tennis player Rohan Bopanna chuan season bul a tan fuh hlawkpuiin mipa double ranking bikah world number 11 a luah a, kum 43 mi ni tawh chungin a chhuahsan tawh toip 15 a luahkir leh.
Bopanna leh a Australian doubles partner Matthew Ebden chuan karliamta Inrinni mai khan Madrid Open final khelin, Russian pair Karen Khachanov leh Andrey Rublevon lakah 6-3, 3-6, 10-3-in tlawm mah se ranking tharah Indian tennis player dinhmun hia chawikang zui ta tho a ni.
Kumin March thla mai pawh khan Bopanna hian history-a a hming ropui nemkai turin BNP Paribas Open-ah Ebden nen bawk an champion a, ATP Masters 1000 champion thei upa ber a ni.
Kumin chhunga khelh tawh zinga mi Qatar Open leh Indian Wells lama champion tawh Indo-Australian pair hian Madrid Open-ah khan season kal laia an title pathumna an beisei a, an hlawhtling ta rih lo.
Madird kha kumin chhunga Rohan Bopanna final vawili luhna ni tawhin, Australian Open 2023-ah khan a chipui Sania Mirza nen final lutin, an chak zo lo.
Ranking thara a dinhmun sawiin Bopana chuan, “World ranking-a 11-na ka luah chho leh thei hi a mak tawp a, he ranking-a ka chuan hnuhnunber chu kum sarih kalta daih tawh kha niin, min thlawptute zawng zawng chungah ka lawm e,” tiin Thawhtanni khan Twitter lamah a lawmna luangliam a tarchhuak.
-- Advertisement --
ATP double ranking thar top 11
# Hming Ram Points Tournament
1. Koolhof Wesley Netherlands 6460 23
1. Skupski Neal United Kingdom 6460 23
3. Krajicek Austin USA 5860 26
4. Ram Rajeev USA 5702 19
5. Salisbury Joe United Kingdom 5612 18
6. Dodig Ivan Croatia 5350 24
7. Arevalo Marcelo El Salvador 5335 23
7. Rojer Jean-Julien Netherlands 5335 23
9. Pavic Mate Croatia 5260 24
10. Mektic Nikola Croatia 5010 23
11. Bopanna Rohan India 4560 26