Pakistan ngam loin India tlahniam

Pakistan ngam loin India tlahniam
ODI team ranking thar tarchhuahah kumin one-day series-a mikhual Australia laka 2-1-a an tlawm tuarin pahnihna dinhmun an hum zo lo a, an elpui kumhlun leh hmelma lian Pakistan-in an hmakhalh a, Men in Blue hi pathumnaah an chhuk.
India leh an chung chiaha pahnihna luah ta Pakistan hi point khata inthlauin, hmahruaitu Australia lakah India hi point thumin an hnufual thung.
Tunakr tir lam Thawhlehni daih tawha International Cricket Committee (ICC) ODI men’s Team ranking thar tarchhuahah world number one Australia hian rating point 113 atangin 118-ah an chho a; tarlan tak angin an hnuaiah Pakistan (116 points) leh India (115 points) an indawt thla.
|um nga ngawt world champion ni tawh Australia hnungdawltu thar Pakistan hian tunthla ODI palinaa New Zealand an hneh kha an hlawkpui a, New Zealand lakah khan 5-0-in series pumhmawm thei phei se la Aussies pawtthlain ranking sang ber luah thei tur an ni.
One Day Iinternational ranking thara a sang pathumte inthlauhna hi point thum lek a ni a, World Cup kuma top three-te inthlau lo em em mai hian World Cup inbeihna pawh a tiphurawm zual dawna ngaih a ni.
New Zealand chuan palina luahin, an hnungah England an awm a; big jump Afghanistan chu pariatnaah kai chhoin, pakuana Sri Lanka leh sawmna luahtu West Indies chungah an chuang ta dawrh a, an hmaah parukna South Africa leh pasarihna Bangladesh an awm thung.
Test khel ram 10 zingah point 3,031 kawltu India chuan team ranking-ah hma a hruai a; Australia leh England-in dawtin, 10-naah Zimbabwe an awm.
Twenty20 team ranking thar lamah pawh India bawkin hma an hruai a; an hnuai chiahah England leh New Zealand indawtin, top 20 luahtu hniam ber Oman leh 16-na luahtu UAE chu a sang 20 zinga Arab team awmchhun an ni.