Authoritarian-te intelkhawm

Western democracy dodal zawngin ‘authoritarian powers an intelkhawm mek’ tiin Nato hotu lu chuan a sawi.
Jens Stoltenberg chuan Russia, Iran, China leh North Korea te chu an inzawm nghet tual tual a ti bawk a.
Nato military alliance te chuan July thlaah chuan Ukraine long-term funding deal an siam thei tawh ang tiin a sawi bawk a. Mahse, Ukraine chuan insiamremna tur a nei ve dawn a ni, a ti bawk.
Middle East buaina chungchangah US leh Nato ram te chuan chiang takin Israel hnenah civilian leh aid worker te chu World Central Kitchen convoy beih a nih hnuah an him theih nan hma a la tur a ni tiin a hrilh tur a ni, a ti a.
Stoltenberg hian kum 10 kal ta khan Western defence alliance Nato leader nihna a chelh tan tawh a. Nato kum 75-na chiah ni tawhin khawvel chu hun dang zawng aia hlauhawm leh sawi lawk harsa leh tharumthawhna hluar zel tiin a sawi bawk a.
Authoritarian ram te chu insawrkhawmin tun hma zawng aiin an inthlunzawm tha tawh tiin a sawi bawk a.
Nato chief chuan, “China chuan Russian war economy a pui reng a, defence industry mamawh thil pawimawh te a pe zel a. Moscow chuan Beijing chu a hnaih tial tial a ni” a ti a.
Russia chuan Iran leh North Korea te hnenah technology pein anni’n ammunition leh military equipment an pe ve thung a ti bawk a.
Stoltenberg chuan Nato chuan Japan leh South Korea te pawh authoritarian powers laka an him theih nan Nato chuan a thawhhopui a ngai tiin a sawi bawk.
Nato chief chuan ram dangte chu Ukraine indonaah Ukraine puih nana sum tam zawk pe turin a ngen a, kum nga chhungin Ukraine puih nan 100 billion euros hmuh hman ngei an tum thu a sawi a. Ukraine puihna tur ruahmanan chu July thlaah chuan an peihfel hman a beisei thu a sawi bawk.
“Ukraine indona hi tawp pawh ni se kum tam tak chhung chu defence lama siam that theih nan Ukraine kan la puihzui zel a ngai dawn,” tiin a sawi bawk.
Stoltenberg chuan Ukraine atanga Russia hnawtchhuak tur chuan military support pek a ngai a ti a, Putin-an Ukraine ram luah a tum chu a thleng tur a ni lo tiin chutihrual chuan Ukraine pawhin insiamremna tur a nei a ti bawk a.
“Ukraine hian compromise tur a nei ve tho a ni. Mahse, engchin nge tih leh engtia thui nge kal an huam atangin inremna dawhkanah chinfel ngai a ni ang,” tiin a sawi.
Ukraine chuan ngaihhnathiamna kalpui nghal se an tihna a nih loh thu sawiin mahse Ukraine a dinchan chauhin inremna tam tak a awm dawn a ti thung a. Stoltenberg thusawi hi Ukraine President Volodymyr Zelensky-an Pope meuh pawhin a tur chungin Vladimir Putin nena inremna a siam loh bur tur thu a sawi a chhanna anga ngaih a ni.